Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. október. 2005 11:30

Tillaga um breytt verklag við gatnagerð

Bæjarráð Akraness hefur vísað tillögu sviðsstjóra tækni- og umhverfissviðs Akraneskaupstaðar um breytt verklag við gatnafrágang til fjárhagsáætlunar ársins 2006. Eins og fram kom í Skessuhorni í liðinni viku eru vinnureglur sveitarfélaga mjög misjafnar hvað frágang nýrra gatna varðar og í samanburði sem gerður var á milli nokkurra sveitarfélaga kom í ljós að endanlegur frágangur á götum í nýjum hverfum á Akranesi og í Borgarnesi er mun seinni en víða annarsstaðar.

 

Í bréfi sem Þorvaldur Vestmann sviðsstjóri tækni- og umhverfissviðs sendi bæjarráði Akraness kemur fram að hann hafi kannað með hvaða hætti nokkur af stærri sveitarfélögum landsins haga framkvæmdum við frágang og lagningu bundins slitlags. Kemur fram í bréfinu að rætt hafi verið við starfsmenn hjá Reykjavíkurborg, Kópavogsbæ, Garðabæ, Hafnarfirði, Mosfellsbæ og Akureyri til að fá samanburð.

 

Í ljós kom að í Reykjavík og Hafnarfirði er sá háttur hafður á að allar götur eru malbikaðar áður en lóðir eru afhentar til byggingar. Kantsteinar og gangstéttir eru hinsvegar gerðar þegar lóðafrágangi er að mestu lokið. Þá segir að Garðabær leggi hinsvegar slitlag á tengibrautir og safngötur áður en umferð er hleypt á slíkar götur. Segir í bréfi Þorvaldar að samkvæmt umsögn sé lítið um alvarlegar skemmdir á slitlagsyfirborði og kostnaður við viðgerðir sé óverulegur. Þá segir að Hafnfirðingar telji að umgengni um götur á byggingartíma hafi batnað eftir að þetta verklag var tekið upp.

Þorvaldur segir í bréfi sínu að í Garðabæ, Kópavogi, Mosfellsbæ og Akureyri sé mat manna að áníðsla og skemmdir á slitlagi sem verða á byggingartíma séu ekki ásættanlegar og of mikill kostnaður af viðgerðum. “Kópavogur mun hafa gert tilraun með að leggja slitlag áður en lóðum er úthlutað en hafa horfið frá því fyrirkomulagi,” segir orðrétt í bréfinu. Þá segir í bréfin Þorvaldar: “Ljóst er af þessum upplýsingum að mismunandi sjónarmið eru uppi og hugsanlegt er að umgengni verktaka sé misjöfn eftir sveitarfélögum þótt það verði að teljast frekar ólíklegt. Því er ef til vill rétt að gerð verði tilraun með breytt verklag og endanleg ákvörðun tekin í ljósi niðurstöðunnar. Rétt er einnig að benda á að ef árangur slíkrar tilraunar verður góður þá má reikna með að af því hljótist nokkur peningalegur sparnaður sem liggur í kostnaði við jöfnunarlag undir malbikið sem í raun er tvíunnið miðað við núverandi frágang.”

Eins og áður sagði var hugmyndum Þorvaldar vísað til gerðar fjárhagsáætlunar næsta árs. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is