Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. október. 2005 12:40

Bæjarráð hafnar aukafjárveitingu til leikskóla

Leikskólastjóri Garðasels á Akranesi segir að engin skipuleg endurnýjun húsbúnaðar leikskólans hafa átt sér stað þau 14 ár sem skólinn hefur starfað og því séu margir innanstokkmunir orðnir lélegir og úr sér gengnir. Óskað var eftir aukafjárveitingu til endurnýjunar en bæjarráð Akraness vísaði beiðninni til gerðar fjárhagsáætlunar næsta árs.

 

Leikskólastjórinn, Ingunn Ríkharðsdóttir, sendi bæjarráði bréf þar sem hún rakti stöðu mála hvað húsgögn og innanstokksmuni varðar en skólinn var tekinn í notkun fyrir 14 árum. “Margir innanstokksmunir eru orðnir lélegir og úr sér gengnir og tímabært að hefja endurnýjun á þeim. Í dag eru ekki til boðlegir stólar til notkunar á starfsmannafundum og/eða foreldrafundum heldur er notast við stóla barnanna og telst það varla viðunandi aðbúnaður starfsmanna í dag,” segir orðrétt í bréfi Ingunnar. Þá segir einnig: “Leikskólinn hefur eftir fremsta megni reynt að endurnýja hluti innan fjárhagsáætlunar með því að færa fjárhæðir milli liða eða látið hækka gömul lág borð í eðlilega borðhæð til að koma til móts við kröfur um aðbúnað starfsmanna,” segir Ingunn og bætir því við að þetta sé ekki hægt endalaust og því óski hún eftir aukafjárveitingu þar sem aðeins sé veitt 60 þúsund krónum til viðhalds á núverandi fjárhagsáætlun.

“Ég vona að bæjarráð skoði þetta erindi með jákvæðum huga og veit að það er sameiginlegur metnaður beggja aðila að leikskólinn verði notalegur vinnustaður barna og starfsfólks þar sem eðlilegt viðhald og endurnýjun verði tryggð,” segir í niðurlagi bréfs Ingunnar. Eins og áður sagði féllst bæjarráð ekki á aukafjárveitingu heldur vísaði málinu til gerðar fjárhagsáætlunar næsta árs.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is