Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. nóvember. 2005 03:12

Telja forsendur kjarasamninga brostnar

Á fundi stjórnar Verkalýðsfélags Borgarness mánudaginn 31. október 2005 voru kjaramál á almennum markaði m.a. til umræðu. Fram kom að stjórnarmenn hefðu þungar áhyggjur af þróun mála og að ljóst væri að forsendur kjarasamninga á almennum markaði, sem félagið er aðili að, væru brostnar. Svokölluð forsendunefnd aðila samningsins yrði að vinna hratt og vel og leita allra leiða til að leggja fram tillögur til úrbóta sem launafólk teldi ásættanlegar ef komast ætti hjá uppsögn kjarasamninganna.

 

Þessu til áréttingar samþykkti stjórn Verkalýðsfélags Borgarness einróma svohljóðandi:

“Forsendur kjarasamninga á almennum vinnumarkaði eru brostnar. Því reynir nú á endurskoðunarákvæði samninganna.

Markmiðin sem samningsaðilar settu sér um afkomu launafólks, bæði í efnahagslegu og félagslegu tilliti, hafa ekki náð fram að ganga. Því hvetur stjórn Verkalýðsfélags Borgarness eindregið til þess að næstu dagar verði notaðar vel til að endurnýja og treysta grundvöll og markmið kjarasamninganna.

Til þess að árangur náist í þeim efnum verða atvinnurekendur og stjórnvöld að axla sína ábyrgð á þessari stöðu mála. Undanbragðalaust verður að endurnýja tiltrú þjóðarinnar á stöðugleika og jafnvægi í efnahagsmálum. Og bæta verður launafólki þann skaða sem það hefur orðið fyrir síðustu misserin.

Náist ekki ásættanleg lausn við endurskoðun kjarasamninganna blasir við sú staðreynd að nota beri uppsagnarákvæðin og segja samningum upp fyrir 10. desember. Uppsögnin mun þá gilda frá og með næstu áramótum. Stjórn Verkalýðsfélags Borgarness leggur þunga áherslu á ábyrgð atvinnurekenda og stjórnvalda. Skorar stjórn félagsins á þessa aðila að beita sér fyrir því að nauðsynlegar úrbætur og lagfæringar náist fram án uppsagnar samninganna.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is