Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. nóvember. 2005 01:49

Undirskriftir í Reykjavík til að ná athygli „stóru“ fjölmiðlanna

Eins og fram hefur komið í Skessuhorni mun Þórður Guðjónsson skrifa undir þriggja ára samning við ÍA og mun því leika knattspyrnu með sínu gamla félagi að nýju. Það vekur óneitanlega athygli að undirskrift samningsins fer fram í höfuðstöðvum KB-banka í Reykjavík. Fyrir nokkru var undirritaður samningur við nokkra aðra liðsmenn og fór sú undirritun einnig fram í Reykjavík.

 

Aðspurður um ástæður þess að áðurnefndir samningar skuli undirritaðir í Reykjavík segir Guðlaugur Gunnarsson framkvæmdastjóri Knattspyrnufélags ÍA þær vera að þannig vilji félagið styrkja samband sitt við stærsta stuðningsaðila félagsins á undanförnum árum, KB-banka. Aðspurður hvort með þessum hætti sé félagið ekki að fjarlægjast grasrótina segir hann ávallt hættu á slíku. “Í þessu máli eins og svo mörgum öðrum erum við að reyna að gera sem best úr hlutunum hverju sinni. Því er heldur ekki að leyna að með því að hafa undirritun í Reykjavík viljum við freista þess að koma þessum atburði á framfæri við stóru fjölmiðlana í Reykjavík. Með því viljum við vekja athygli á því þróttmikla starfi sem unnið er innan félagsins á Akranesi,” segir Guðlaugur og bætir því við að afar erfitt sé að fá suma fjölmiðla til þess að sinna fréttum utan Reykjavíkur og nefnir þar sérstaklega sjónvarpsstöðvarnar.

 

Haraldur Ingólfsson, aðstoðarútibússtjóri KB-banka á Akranesi segir undirritun samningsins fara fram í höfuðstöðvum bankans í Reykjavík að beiðni félagsins. Aðspurður hvort ekki hefði verið eðlilegra að hafa undirritunina í útibúinu á Akranesi segir Haraldur það eflaust rétt. “Í þessu efni held ég að með undirritun í Reykjavík hafi félagið viljað vekja meiri athygli á málinu,” sagði Haraldur.

 

„Erfitt um vik að sinna öllum viðburðum,“ segir Samúl Örn

 

Deildarstjóri iþróttadeildar Ríkisútvarpsins segir starfsmenn deildarinnar sífellt þurfa að velja og hafna í daglegum störfum sínum. Því gerist það óhjákvæmilega að ekki sé hægt að sinna öllum þeim viðburðum sem þeir vildu sinna.

 

Eins og fram kom í fréttum Skessuhorns skrifaði Þórður Guðjónsson undir nýjan samning við Knattspyrnufélag ÍA í vikunni. Athygli vakti að skrifað var undir samninginn í Reykjavík en ekki á Akranesi. Í samtali við Skessuhorn sagði Guðlaugur Gunnarsson framkvæmdastjóri félagsins að ein af ástæðum þess að undirskriftin fór fram í Reykjavík væri sú að með því hafi verið reynt að ná athygli stóru fjölmiðlanna í Reykjavík. Sagði hann afar erfitt að fá suma fjölmiðla til þess að sinna fréttum utan Reykjavíkur og nefndi hann sérstaklega sjónvarpsstöðvarnar. Samúel Örn Erlingsson deildarstjóri íþróttadeildar Ríkisútvarpsins segir starfsmenn deildarinnar þurfa á hverjum degi að velja og hafna við frétta- og efnisöflum. Þeim sé þröngur stakkur skorinn og það bitni því miður stundum á fréttum þar sem leggja þurfi meiri tíma í ferðalög en aðrar. Daglega keppi margir fréttamenn um tíma tveggja myndatökumanna og því skipti ferðalög óneitanlega máli í þessu sambandi. Um slíkt sé óneitanlega að ræða hvað fréttir á Akranesi varðar þrátt fyrir að ekki hafi á það reynt í þessu tiltekna tilviki þar sem félagið hafi ákveðið að skrifa undir samninginn í Reykjavík.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is