Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. nóvember. 2005 11:20

Auknar fjárveitingar til Landbúnaðarháskóla Íslands

Í breytingatillögum sem meirihluti fjárlaganefndar Alþingis hefur lagt fram við fjáraukalög fyrir árið 2005 eru lagðar til auknar fjárveitingar til Landbúnaðarháskóla Íslands á Hvanneyri. Lögð er til 69,2 milljóna króna fjárveiting til að jafna út uppsafnaðan rekstrarhalla og er þá miðað við að stofnunin verði hallalaus í árslok 2005. Hallinn skiptist þannig að 6,2 milljónir króna er áætlaður hallarekstur í ár vegna kostnaðar við sameiningu en 63 milljónir króna er óuppgerður uppsafnaður rekstrarhalli þeirra stofnana sem sameinuðust í Landbúnaðarháskóla Íslands í árslok 2004.

 

Tillagan kemur til viðbótar 38,5 milljóna króna framlagi sem gert er ráð fyrir í frumvarpinu og samtals er því gerð tillaga um 107,7 milljóna króna. vegna hallareksturs og kostnaðar við sameiningu stofnananna.

Þá er gerð tillaga um 30,5 milljóna króna fjárveitingu til að gera upp halla á framkvæmdum við nýtt fjós á Hvanneyri. Er sú fjárhæð til viðbótar 22,3 milljóna króna framlagi vegna virðisaukaskatts sem gert er ráð fyrir í frumvarpinu og samtals er því gerð tillaga um 52,8 milljónir króna vegna fjósbyggingarinnar. Samkvæmt upphaflegum áætlunum var gert ráð fyrir að kostnaður við fjósbygginguna yrði 132,6 milljónir króna. Til framkvæmdanna hafði skólinn 70 milljónir króna á fjárlögum og 25 milljóna króna styrk frá Framleiðnisjóði landbúnaðarins, auk þess sem smærri styrkir og vaxtatekjur námu 5,9 milljónum króna. Alls hefur skólinn því haft 100,9 milljónir króna til framkvæmda við fjósið á móti 131,4 milljónum króna kostnaði og nemur halli skólans af framkvæmdunum fyrir utan virðisaukaskatt því 30,5 milljónum króna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is