Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. nóvember. 2005 04:46

Löndun sjávarfangs á Akranesi í sögulegu lágmarki

Eins og fram hefur komið í fréttum Skessuhorns hefur töluverður samdráttur orðið að undanförnu í löndun sjávarfangs á Akranesi. Fyrstu tíu mánuði ársins var landað 42.618 tonnum en á sama tíma í fyrra hafði verið landað 99.579 tonnum og er því samdrátturinn á þessu ári því ríflega 57%. Síðustu mánuði hefur samdrátturinn verið umtalsverður en liðinn mánuður slær þó öll met hvað þetta varðar. Þá var aðeins landað 312 tonnum af sjávarfangi á Akranesi en á sama tíma í fyrra var landað 1.761 tonni. Samdrátturinn nemur því rúmum 82% á milli ára.

 

Það hefði einhvern tímann verið saga til næsta bæjar á Vesturlandi að Akranes væri komið í tölu smæstu löndunarstaða í landshlutanum. Svo var í síðasta mánuði. Aðeins í Stykkishólmi var minni afla landað, eða 155 tonnum. Á Arnarstapa var landað meiri afla en á Akranesi eða 341 tonni. Aðrar hafnir á Vesturlandi bera höfuð og herðar yfir Akraneshöfn í lönduðum afla. Á Rifi var landað 652 tonnum, í Ólafsvík 728 tonnum og í Grundarfirði 1.136 tonnum.

Minnkandi afli um hafnir verða til þess að hafnirnar verða af tekjum. Löndunum skipa og báta fylgja ýmis umsvif í þjónustu sem þjónustufyrirtæki á Akranesi missa nú af með minnkandi afla. Rétt er þó að ítreka að landaður afli sveiflast mjög á milli mánaða í einstökum höfnum. Engu að síður sýna afar lágar löndunartölur á Akranesi það sem af er þessu ári frekar uggvænlega þróun, svo ekki sé meira sagt.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is