Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. nóvember. 2005 10:46

Grundfirðingar leigja mestar aflaheimildir til sín

Á síðustu tveimur fiskveiðiárum hafa verið leigð til Vesturlands 9.307 þorksígildistonn. Þetta kemur fram í svari sjávarútvegsráðherra á Alþingi við fyrirspurn Jóhanns Ársælssonar. Óskaði Jóhann eftir upplýsingum um heildarflutning aflaheimilda til og frá einstökum sveitarfélögum og einnig útgerðum.

 

Í svari ráðherra kemur fram að á þessum tíma voru leigð til Akraness 782 þorskígildistonn, til Grundarfjarðar 5.283 tonn og til Snæfellsbæjar 3.310 tonn. Á sama tíma voru leigð frá Stykkishólmi 1.078 þorskígildistonn. Er Grundarfjörður það sveitarfélag á landinu sem leigir til sín mestar aflaheimildir. Tvö sveitarfélög á landinu skera sig algjörlega úr við nýtingu aflaheimilda. Það eru Vestmannaeyjar og Akureyri. Á þessum stöðum hafa útgerðarmenn komist að þeirri niðurstöðu að best sé að aflaheimildir þeirra séu best nýttar af öðrum. Frá Akureyri voru leigð á brott 15.954 þorskígildistonn og frá Vestmannaeyjum voru leigð burt 10.050 tonn.

Af einstökum fyrirtækjum má nefna að Samherji hf. leigir frá sér 9.971 tonn, Vinnslustöðin hf. 6.186 tonn, Brim hf. 6.048 tonn og HB Grandi hf. leigir frá sér 4.150 tonn. Af fyrirtækjum á Vesturlandi má nefna að Þórsnes ehf. í Stykkishólmi leigir frá sér 907 tonn og KG fisverkun ehf. á Hellisssandi leigir frá sér 518 tonn.

Af fyrirtækjum sem leigja til sín kvóta á Vesturlandi er hæst Sæból ehf. í Grundarfirði sem leigir til sín á sama tíma 2.519 tonn, Guðmundur Runólfsson hf. í Grundarfirði leigir til sín 1.454 tonn og Soffanías Cecilsson hf. í Grundarfirði leigir til sín 935 tonn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is