Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. nóvember. 2005 09:22

Skorað á fólk að skrá sig á lista ÁFRAM

"Undanfarið hefur staðið yfir undirskriftarsöfnun til varnar Reykjavíkurflugvelli, þar sem umræðan um framtíð hans hefur síðustu misseri verið að þróast með afar neikvæðum hætti. Margir íbúar á landsbyggðinni eiga hér mikilla hagsmuna að gæta, ekki síst öryggishagsmuna, og þurfa því að taka höndum saman þeim til varnar. Því hafa hagsmunasamtökin ÁFRAM reynt eftir fremsta megni að koma undirskriftarbréfinu á framfæri sem víðast, t.d. með því að senda það öllum bæjar- og sveitarstjórnum á landsbyggðinni, með þeirri ósk að því sé þar komið á framfæri. Það er von okkar að vel hafi verið brugðist við þeirri ósk, þó ekki hafi alls staðar borist fréttir þar um," segir í fréttatilkynningu frá ÁFRAM, hagsmunasamtökum landsbyggðarinnar um verndun flugvallar í Vatnsmýrinni.

Áfram segir í tilkynningunni: "Víðast hvar, þar sem við höfum spurnir af gangi söfnunarinnar, hafa þessir listar legið frammi í verslunum, bensínstöðvum og vinnustöðum, frekar en að gengið hafi verið í hús, og hafa einstaklingar í flestum tilfellum séð um dreyfingu og söfnun þeirra. Undirtektir hafa hvarvetna verið góðar. 

Hér með skorum við á alla íbúa á landsbyggðinni sem enn eiga það eftir, að bera sig eftir að finna framliggjandi undirskriftarlista og skrá sig þar. Einnig skal ítrekað að bréfið er hægt að nálgast á vefsíðu okkar, “afram.is”, þar sem jafnframt eru upplýsingar um hvert senda skal það/þau að lokinni undirskriftarsöfnun.  

Enn er stefnt að því að söfnun þessari ljúki um næstu mánaðarmót. Við þökkum öllum þeim fjölmörgu sem lagt hafa hönd á plóginn og vonumst til að þessi viðleitni til varnar hagsmunum okkar verði svo þungt lóð á vogarskálarnar að ekki verði hjá því litið."

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is