Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. nóvember. 2005 12:20

Sanngirnisástæður mæla með niðurfellingu virðisaukaskatts

Halldór Jónsson, hæstaréttarlögmaður hefur komist að þeirri niðurstöðu að skýrar forsendur samnings Spalar ehf. og ríkisins sem og sanngirnisástæður mæli með því að íslenska ríkið hlutist til um að skylda til að innheimta virðisaukaskatt af veggjaldi í Hvalfjarðargöngum verði felld niður og kveðið verði á um að aðgangur að vegamannvirkjum verði undanþeginn virðisaukaskatti. Þetta kom fram í álitsgerð sem Halldór vann fyrir stjórn Spalar og kynnt var á aðalfundi fyrirtækisins fyrir skömmu.

 

 

Eins og fram hefur komið í fréttum Skessuhorns hefur töluverð umræða farið fram um hugsanlega niðurfellingu virðisaukaskatts af veggjöldum og einnig niðurfellingu veggjaldanna í heild. Hefur umræða meðal annars farið fram um málið á Alþingi. Á aðalfundi Spalar greindi Gísli Gíslason, stjórnarformaður Spalar frá því að stjórn félagsins hefði í desember 2004 sent fjármálaráðherra erindi og spurst fyrir um hvort vænta mætti breytinga á innheimtu virðisaukaskatts af veggjaldinu í Hvalfjarðargöngum. Í samningum Spalar ehf. og ríkisins væri ákvæði um að virðisaukaskattur af veggjaldi skyldi vera 14% eða hið sama og af fólksflutningum. Í ljósi þess að ekki væri innheimtur virðisaukaskattur af fólksflutningum hefði stjórn Spalar jafnframt óskað eftir áliti lögfræðings á framkvæmd og efni þessa ákvæðis í samningnum við ríkið og varð niðurstaðan eins og að framan greinir.

Þess má geta að senn líður að því að greiddur virðisaukaskattur af veggjöldum í göngunum nemi sömu upphæð og endurgreiddur var þegar framkvæmdir stóðu yfir. Sú staðreynd hefur einnig verið vatn á myllu þeirra sem leggja vilja af virðisaukaskattinn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is