Forsíða
Auglýsing
Rss straumur af fréttum frá Skessuhorni
Lágnætti. Þriðji Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. desember. 2005 12:09

Vilja lækka fasteignagjöld en hækka byggingarleyfisgjöld

Bæjarfulltrúar Sjálfstæðisflokkins, sem sitja í minnihluta bæjarstjórnar Akraness, hafa lagt fram breytingartillögur við fjárhagsáætlun bæjarins og stofnana hans fyrir árið 2006. Eins og fram hefur komið í fréttum Skessuhorns hefur fasteignamat á Akranesi hækkað mjög á liðnum árum. Fasteignagjaldastofn hefur hins vegar verið óbreyttur þannig að fasteignagjöld hafa hækkað mjög mikið. Í fjárhagsáætluninni sem var til fyrri umræðu í bæjarstjórn á dögunum var hins vegar lagt til að fasteignaskattur lækkaði úr 0,431% í 0,394%. Bæjarfulltrúar Sjálfstæðisflokksins vilja hins vegar ganga lengra því þeir  hafa nú lagt til að fasteignagjöldin verði lækkuð í 0,36%.

 

 

 

Í greinargerð með tillögunni segir m.a: „Samkvæmt fyrirliggjandi upplýsingum er ljóst að fasteignamat á íbúðarhúsnæði, hefur hækkað gríðarlega á höfuðborgarsvæðinu eða um 45%. Ekki er óeðlilegt að áætla að fasteignamat hér á Akranesi hækki um 25% jafnvel hærra þar sem töluvert af nýbyggingum koma til álagningar á næsta ári. Miðað við það er eðlilegt að lækka álagingarprósentu til samræmis við það sem gerist í nágrannasveitafélögum Reykjavíkur svo sem Mosfellsbæ og Reykjanesbæ. Þrátt fyrir lækkun prósentunnar má búast við að fasteignagjöld muni skila bæjarsjóði 18 milljónum meira en núverandi frumvarp gerir ráð fyrir.“

 

Þá lögðu bæjarfulltrúar Sjálfstæðisflokksins einnig til að byggingarleyfisgjöld verði hækkuð um 6%. Í greinargerð með tillögunni segir m.a.: „Í núverandi frumvarpi til fjárhagsáætlunar er gert ráð fyrir tekjum vegna byggingaleyfisgjalda 124 milljónir króna. Að okkar mati er svigrúm til frekari hækkana þar sem byggingaleyfisgjöld á Akranesi eru mun lægri en gengur og gerist í þeim sveitarfélögum sem við berum okkur saman við. Einnig er ljóst að þau standa engan veginn undir útlögðum kostnaði. Sú hækkun sem við leggjum til ætti að skila bæjarsjóði 7,5 milljónum króna.“

 

Um áhrif þessara tillagna segja bæjarfulltrúarnir meðal annars: „Þar er trú okkar, eins og rakið er í hér að ofan að hækkun fasteignamats og hækkun byggingaleyfisgjalda muni skila okkur nægjanlegum fjármunum til að standa undir þessum viðbótarframkvæmdum. Auk þess skal á það bent að á árinu 2004 voru tekjur Akraneskaupstaðar vegna útsvars, fasteignagjalda og byggingaleyfisgjalda 59 milljónir umfram áætlun. Má því alveg áætla að árið 2006 verði með svipuðu móti.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is