Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. desember. 2005 06:07

Fjárveiting til fræðaseturs í Stykkishólmi

Í fjárlagafrumvarpi fyrir árið 2006 sem samþykkt var í síðustu viku er framlag að upphæð 8 milljónir króna “til að stofna fræðasetur í Stykkishólmi,” eins og sagði í breytingatillögu meirihluta fjárlaganefndar Alþingis. Í greinargerð sem Stykkishólmsbær sendi fjárlaganefnd í haust er stofnun þessi nefnd Háskólasetur Snæfellsness.

 

Í greinargerðinni kemur fram að ætlunin sé að stofna rannsóknasetur Háskóla Íslands í Stykkishólmi. Kemur fram að gert sé ráð fyrir stöðu eins náttúrufræðings, sem hafði aðsetur undir sama þaki og Náttúrustofa Vesturlands og hefði aðgang að bókasafni, rannsóknaaðstöðu og búnaði hennar án endurgjalds. Segir að með slíkri samnýtingu megi spara verulega í stofn- og rekstrarkostnaði setursins, auk þess sem Náttúrustofan og slíkt setur styrki hvort annað. “Náttúra svæðisins er geysilega fjölbreytt og rík á heimsvísu og bjóða aðstæður upp á rannsóknamöguleika, sem einungis ímyndunaraflið takmarkar,” segir orðrétt í greinargerðinni.

Í upphafi er gert ráð fyrir einu stöðugildi sérfræðings sem mun hafa akademíska stöðu við Háskóla Íslands og einhverja kennsluskyldu en verður búsettur í Stykkishólmi og sinni starfi sínu þaðan. Kennsluskyldan muni fyrst og fremst verða uppfyllt með því að taka á móti einstaklingum í framhaldsnámi eða nemendahópum í grunnnámi við Háskólann, sem koma í styttri eða lengri námsferðir á svæðið.

Þá kemur fram í greinargerðinni að rannsóknir á svæðinu hafi fram til þessa verið af frekar skornum skammti “og sýndi þekkingarskortur á náttúrunni sig berlega þegar hörpudisksstofninn í Breiðafirði hrundi nýverið og það sama má segja um orsakir fækkunar sjófugla á svæðinu síðustu ár. Með Háskólasetri Snæfellsness væri stigið mikilvægt skref í þá átt að auka þekkingu á náttúru svæðisins, öllum til hagsbóta.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is