Forsíða
Auglýsing
Rss straumur af fréttum frá Skessuhorni
Lágnætti. Þriðji Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. desember. 2005 03:27

Beðið ákvörðunar ráðherra um Menntaskóla Borgarfjarðar

Ytri stýrihópur um stofnun Menntaskóla Borgarfjarðar í Borgarnesi bíður nú niðurstöðu Þorgerðar Katrínar Gunnarsdóttur, menntamálaráðherra varðandi umsókn hópsins um stofnun einkarekins, þriggja ára menntaskóla frá og með næsta hausti.  Fyrirhugaður menntaskóli er samstarfsverkefni Borgarbyggðar, Borgarfjarðarsveitar, Viðskiptaháskólans á Bifröst og Landbúnaðarháskóla Íslands á Hvanneyri.  Vinna við námsskrá skólans, húsnæði og fjármögnun er á lokastigi. 

"Ég hef þá trú að hér sé um að ræða afar mikilvægt mál sem við erum að reyna að koma í gegn, en stofnun menntaskóla í Borgarfirði er að okkar mati lykilatriði fyrir áframhaldandi þróun héraðsins sem þekkingarsamfélags.  Þá má benda á þá leið sem við förum að stofna skóla í hlutafélagaformi í eigu fyrirtækja, sveitarfélaga og almennings í Borgarfirði sem er nokkur nýbreytni.  Við erum ekki að fara fram á að ríkið byggi og reki fyrir okkur skóla, heldur að fara fram á heimild til að framkvæma slíkt sjálf á okkar ábyrgð, gegn greiðslum menntamálaráðuneytis fyrir nemendaígildi.  Í því sambandi má benda á að skortur hefur verið á plássum í núverandi framhaldsskólum landsins, þ.a.m. á Akranesi," segir Runólfur Ágústsson, rektor, einn fjórmenninganna sem skipa stýrihóp til undirbúnings stofnunar menntaskóla.

 

 

Háskólaráð Borgarfjarðar ályktar:

 

Á fundi sínum í síðustu viku ályktaði Háskólaráð Borgarfjarðar um stuðning við verkefnið en áður höfðu Samtök sveitarfélaga á Vesturlandi gert hið sama.  Í ályktun ráðsins segir: "Háskólaráð Borgarfjarðar telur afar mikilvægt að stofnaður verði menntaskóli í Borgarnesi eins og nú eru hugmyndir um.  Háskólaráð telur að menntun ungmenna í  heimabyggð sé grundvallaratriði í áframhaldandi uppbyggingu öflugs sveitarfélags og háskólasamfélags í Borgarfirði.

Samfélag þetta telur nú um 3.500 manns en sé tekið tillit til dulinnar búsetu og þess fjölda háskólanema sem búsettir eru á Bifröst og Hvanneyri má áætla að þessi tala sé rúmlega 4.000 manns. Það er ljóst að möguleikar á framhaldsnámi ungmenna skipta miklu máli þegar fólk velur sér búsetu   Það er ekki ásættanlegt að senda 16 ára ólögráða ungmenni til langtímadvalar fjarri fjölskyldu og heimahögum þar sem allar aðstæður eru fyrir stofnun og starfrækslu framhaldsskóla. Eins og nú háttar til í Borgarfirði fara 34% útskrifaðra grunnskólanema til námsdvalar annarsstaðar en á Vesturlandi. 18% þeirra fara ekki í framhaldsnám.  Þessu þarf að breyta.  Með stofnun menntaskóla í Borgarnesi verður mögulegt fyrir ungmenni að dvelja í heimahúsum og stunda sitt nám hvort sem um er að ræða dreifbýli Borgarfjarðar eða þéttbýli í Borgarnesi, Bifröst og Hvanneyri. 

Háskólaráð Borgarfjarðar skorar á menntamálaráðherra og yfirvöld að taka jákvætt í hugmyndir Borgfirðinga um stofnun menntaskóla og lýsir yfir fullum stuðningi við framkomnar hugmyndir þar sem gert er ráð fyrir stofnun skólans strax haustið 2006."

Í stýrihópnum vegna undirbúnings menntaskóla eru þau Ágúst Sigurðsson frá Hvanneyri, Helga Halldórsdóttir frá Borgarbyggð, Runólfur Ágústsson frá Bifröst og Þórvör Embla Guðmundsdóttir frá Borgarfjarðarsveit.

MM

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is