Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. janúar. 2006 08:22

Einar Oddur skipaður formaður ferðamálaráðs

Samgönguráðherra hefur skipað nýtt Ferðamálaráð í samræmi við ný lög um skipan ferðamála, sem tóku gildi þann 1. janúar sl. Einar Oddur Kristjánsson, alþingismaður, er formaður ráðsins. Í ráðinu sitja tíu fulltrúar. Varaformaður er Dagný Jónsdóttir alþingismaður en aðrir fulltrúar Ferðamálaráðs eru tilnefndir af Samtökum ferðaþjónustunnar, Sambandi íslenskra sveitarfélaga, Útflutningsráði og Ferðamálasamtökum Íslands. Þeir eru Gunnar Már Sigurfinnsson, farmkvæmdastjóri hjá Icelandair, Lára Pétursdóttir, framkvæmdastjóri Congress Reykjavík og Sævar Skaptason, framkvæmdastjóri Ferðaþjónustu bænda. Þá eiga sæti í ferðamálaráði Gunnar Sigurðsson, bæjarfulltrúi á Akranesi, Dagur B. Eggertsson borgarfulltrúi, Pétur Rafnsson, formaður Ferðamálasamtaka Íslands, og Dóra Magnúsdóttir, markaðsstjóri ferðamála Höfuðborgarstofu. Þá tilnefndi Útflutningsráð Jón Ásbergsson framkvæmdastjóra. 

 

Skipunartími Ferðamálaráðs er fjögur ár en skipunartími formanns og varaformanns er þó takmarkaður við embættistíma ráðherra. Ferðamálastjóri og fulltrúi ráðuneytisins sitja fundi ráðsins með málfrelsi og tillögurétt. Ingilín Kristmannsdóttir, viðskiptafræðingur í samgönguráðuneytinu, er ritari ferðamálaráðs. Hlutverk ferðamálaráðs er að gera árlega eða oftar, tillögur til ráðherra um markaðs- og kynningarmál ferðaþjónustunnar, vera ráðgefandi aðili fyrir ráðherra um áætlanir í ferðamálum, veita umsagnir um breytingar á lögum og reglum er varða ferðamál og annað er ráðherra felur ráðinu eða ráðið telur ástæðu til að taka upp í þágu ferðaþjónustunnar. Ferðamálaráði er falið að fara yfir stöðu og skipulag kynningar á Íslandi á erlendum vettvangi og hlutverk landkynningaskrifstofa Ferðamálastofu og að meta árangur af landkynningu undanfarinna ára. Frá þessu var greint á vef samgönguráðuneytisins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is