Forsíða
Auglýsing
Rss straumur af fréttum frá Skessuhorni
Lágnætti. Þriðji Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. janúar. 2006 12:34

Rannsóknasetur um lífríki Breiðafjarðar

Ákveðið hefur verið að stofna sjálfseignarfélag um rannsóknarsetur á norðanverðu Snæfellsnesi sem hafi þann tilgang að rannsaka vistkerfi sjávar í Breiðafirði. Hagsmunaðilar á Vesturlandi fengu Samtök Sveitarfélaga á Vesturlandi til að ýta hugmyndinni úr vör. Undirbúningurinn að stofnun félagins hefur farið fram á árinu 2005 og var rannsóknaráætlun lokið nú á haustdögum. Sú skýrsla var unnin af Þórólfi Antonssyni hjá Veiðimálastofnun.

 

 

Það svæði sem sjónum verður beint að er Breiðafjörður innan línu sem hugsast dregin frá Öndverðarnesi til Bjargtanga, svæðið allt eru tæpir 3000 ferkm. Fjörðurinn er opið vistkerfi þannig að ekki má einblína of mikið á hann einan við rannsóknir á lífriki og eðlisþáttum. Breiðafirði má einnig skipta niður í dýpri svæði sem eru Kollu- og Bjarneyjarálar og síðan grynnri svæði innan við ystu eyjar - að mestu grynnra en 40m. Eyjar, mikil fjörusvæði og þaraskógar eru allt einkenni á Breiðafirði fram yfir marga aðra firði landsins. Fjörðurinn er því mjög áhugaverður til rannsókna frá ýmsum sjónarhólum séð.

Sú hugmynd kom fram hjá hagsmunaaðilum í sjávarútvegi við Breiðafjörð að mikilvægt væri að efla rannsóknir á vistkerfi sjávar í Breiðafirði. Með aukinni hagsæld og aukinni þekkingu hafa vaknað áleitnar spurningar um margvísleg mál sem varða lífríki sjávar og snúast sumar þeirra um grundvallaratriði. Í umræddu rannsóknarsetri þar sem fram munu fara sjálfstæðar rannsóknir sem verður faglega og fjárhagslega óháð þeim rannsóknarstofnunum sem stundað hafa rannsóknir til þessa. Uppi hafa verið mismunandi sjónarmið um þessi mál og því mikilvægt að horft sé á þessa hluti frá fleiri sjónarhornum til þess að auka þekkingu og skilning á lífríkinu.

Markmið rannsóknarsetursins er að rannsaka vistkerfi sjávar í víðasta skilningi, með megináherslur á vistkerfið í Breiðafirði, til þess að auka þekkingu á vistkerfinu í þeim tilgangi að auka arðsemi nýtingar auðlindarinnar.

Þar verður leitast við að svara ósvöruðum spurningum sem gjarnan brenna á sjómönnum, fræðimönnum og leikmönnum og brúa þá gjá sem oft virðist vera á milli sjónarmiða þessara aðila og auka gagnkvæman skilning manna þar á.

Áformað er að stofna rannsóknarsetur í Snæfellsbæ sem vinni skipulega samkvæmt rannsóknaráætlun til a.m.k. næstu 3 - 5 ára að þeim markmiðum sem sett verða fram í áætluninni. Stefnt er að því að opnuð verði starfstöð með 3 - 4 stöðugildum með a.m.k. tveimur sérfræðingum. Á næstu dögum verður starf forstöðumanns auglýst laust til umsóknar.

Jökull í Ólafsvík greindi frá

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is