Forsíða
Auglýsing
Rss straumur af fréttum frá Skessuhorni
Lágnætti. Þriðji Mánadagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. janúar. 2006 01:13

Síminn áformar að loka verslun á Akranesi

Síminn hf. stefnir að því að loka verslun sinni á Akranesi og gangi það eftir mun það hafa áhrif á störf fimm starfsmanna fyrirtækisins. Í bígerð er samningur við Pennann um að fyrirtækið sinni sölu á þjónustu Símans á Akranesi. Ekki er ljóst á þessari stundu hvort og þá hvenær verslunin á Akranesi lokar né hver verður fjöldi starfsmanna fyrirtækisins á Vesturlandi að loknum þessum breytingum.

Á föstudaginn tilkynnti Síminn um talsverðar breytingar á starfsemi fyrirtækisins á landsbyggðinni. Fyrirtækið mun á næstunni loka verslunum sínum á Akranesi, Sauðárkróki, Selfossi, Vestmannaeyjum og í Reykjanesbæ. Áfram mun fyrirtækið reka verslanir á Ísafirði, Akureyri og Egilsstöðum auk Reykjavíkur.

 

Að sögn Evu Magnúsdóttur, upplýsingarfulltrúa Símans eru hér aðeins um áform að ræða en ekki endanlega ákvörðun. Gangi þessi áform hins vegar eftir munu þær snerta fimm starfsmenn fyrirtækisins á Akranesi. Hún segir að einum þeirra hafi þegar verið boðið annað starf hjá fyrirtækinu og öðrum hafi verið boðið starf hjá öðru fyrirtæki. Auk þess séu 10 störf laus hjá Símanum sem viðkomandi starfsmenn geti sótt um og fyrirtækið muni nota næstu daga til að finna starfmönnunum ný störf eins og hægt er.

 

Eva segir ekki ákveðið hvenær verslunin á Akranesi loki en það verði ekki fyrr en nýr endursöluaðili hafi tekið við og búið verði að hnýta alla lausa enda. Í því sambandi hefur Penninn verið nefndur en ekki sé búið að ganga frá samningum þar um.

Aðspurð segir Eva ekki liggja ljóst fyrir hversu margir starfsmenn fyrirtækisins verða eftir þessar breytingar á Akranesi og á Vesturlandi í heild. Athygli vekur að þrátt fyrir að Penninn sé með verslanir til dæmis á Ísafirði og á Akureyri verða verslanir ekki lagðar niður þar. Eva segir segir það ákvörðun fyrirtækisins að Ísafjörður, Akrureyri og Egilsstaðir verði svokallaðir kjarnastaðir fyrirtækisins á landsbyggðinni en það útiloki ekki frekara samstarf við Pennann á þeim stöðum þó svo að Síminn verði nú með verslun þar áfram.

 

Sjálfvirknivæða vefinn í staðinn

Síminn hefur undanfarið boðið viðskiptavinum margar nýjungar og má þar nefna svokallað ADSL sjónvarp. Því vaknar sú spurning hvort þjónusta fyrirtækisins verði ásættanleg á Vesturlandi eftir áformaðar breytingar. Eva segir Símann vera með endursöluaðila í mörgum byggðarlögum á Vesturlandi og það fyrirkomulag hafi reynst ágætlega. Bráðlega muni Akranes bætast í þann hóp. “Við ætlum okkur að efla enn frekar samstarf með endursöluaðilum sem selja breitt vöruframboð Símans. Auk þess hefur þjónustuvefurinn okkar verið sjálfvirknivæddur enn frekar og við búumst við að viðskiptavinir okkar nýti sér hann í enn meira mæli en áður. Þá hefur orðið allt að fjórföldun í notkun á vefverslun Símans að undanförnu. Séu keyptar vörur í vefverslun, þá bjóðum við ókeypis heimsendingarþjónustu. Við reynum einnig að bjóða betra verð á vefnum heldur en í verslunum okkar. Margs konar þjónusta er að færast yfir á Netið og sífellt er unnið að því að sjálfvirknivæða þjónustuferla Símans. Við lítum til þeirra fyrirtækja sem vel hefur tekist til í sjálfvirknivæðingu eins og til dæmis bankakerfisins, flugfélaga og ferðaþjónustuaðila. Hjá þessum fyrirtækjum er veitt frábær þjónusta á vefnum og í gegnum síma. Þannig sparar það viðskiptavinum okkar einnig sporin að þurfa ekki að fara á staðinn. Þá ber þess að geta að Úthringiver Símans er sífellt að auka starfsemi sína til að sinna núverandi og nýjum viðskiptavinum,” segir Eva Magnúsdóttir.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is