Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. febrúar. 2006 12:36

Hagnaður SPM þrefaldaðist milli ára

Hagnaður Sparisjóðs Mýrasýslu varð 615,6 milljónir króna eftir skatta árið 2005, samanborið við 192,2 millj. króna árið 2004. Aukningin milli ára er 220%.  SPM eignaðist allt stofnfé í Sparisjóði Ólafsfjarðar í byrjun apríl 2005. Í samanburðartölum samstæðunnar fyrir árið 2005 kemur efnahagur Sparisjóðs Ólafsfjarðar að fullu inn, en rekstur hans frá 1. apríl 2005.

Helstu lykiltölur og aðrar upplýsingar um rekstur Sparisjóðs Mýrasýslu árið 2005 sýna m.a. að vaxtatekjur námu 1.833,5 millj. kr. árið 2005 en það er 51,3% hækkun frá árinu 2004. Vaxtagjöld hækkuðu um 63,5% milli ára og námu 1.233,9 millj. kr. árið 2005. Hreinar vaxtatekjur námu 649,7 millj. kr. árið 2005 og hækkuðu því um 32,6% á milli ára. Hreinar rekstrartekjur voru 1.701,8 millj. kr. á árinu á móti 917,3 millj. kr. árið 2004 og hafa hækkað um 85,5% á árinu 2005. Framlag í afskriftarreikning útlána nam 284 millj. kr. á árinu sem er hækkun um 29,5% frá árinu 2004.

 

Í árslok 2005 eru 524,9 millj. kr. í afskriftareikningi útlána sem er 2,3% af útlánum og veittum ábyrgðum sparisjóðsins. Rekstrargjöld sparisjóðsins voru 667,2 millj. kr. árið 2005 en voru 473,9 millj. kr. árið 2004, hækkunin er 41,1%. Rekstrarkostnaður sem hlutfall af hreinum rekstrartekjum er 39,2% miðað við 51,6% fyrir árið 2004. Rekstrarkostnaður sem hlutfall af eignum er nú 2,6% miðað við 3,0% árið 2004.

 

Efnahagur og eigið fé samstæðunnar

Heildareignir samstæðunnar eru 25.698,2 millj. kr. miðað við 15.870,3 millj.kr. í lok árs 2004, hafa þær vaxið um 61,9% milli áranna 2004 og 2005. Útlán samstæðunnar hafa aukist um 57,7% á árinu og nema þau 20.766,2 millj. kr. í árslok 2005. Innlán samstæðunnar hafa aukist um 63,7% á árinu og nema 11.329,5 millj. kr. í árslok 2005.

Eigið fé Sparisjóðs Mýrasýslu var 2.094,7 millj. kr. 31. desember 2005 en var 1.413,2 milljónir króna í árslok 2004, aukningin er 48,2%.Eiginfjárhlutfall samstæðunnar samkvæmt CAD-reglum er 11,0% 31. desember 2005 sem er sama hlutfall og það var 31. desember 2004.

 

Aðrar fréttir af starfseminni

Eins og áður segir eignaðist Sparisjóður Mýrasýslu allt stofnfé Sparisjóðs Ólafsfjarðar á fyrri hluta ársins 2005 og samanstendur uppgjör samstæðunnar af uppgjöri móðurfélagsins ásamt dótturfélögum þess.  SPM flutti höfuðstöðvar sínar í nýtt húsnæði að Digranesgötu 2 í Borgarnesi um mitt ár 2005. Þá opnaði sjóðurinn skrifstofu í Síðumúla 27 í Reykjavík í mars á liðnu ári. Sparisjóður Mýrasýslu samdi nú í upphafi árs við Tryggingamiðstöðina hf. um rekstur umboða TM í Borgarnesi og á Akranesi. Umboð TM í Borgarnesi verður í höfuðstöðvum Sparisjóðs Mýrasýslu við Digranesgötu, en á Akranesi við Stillholt 18. Þar mun einnig verða opnað útibú frá Sparisjóði Mýrasýslu á næstu dögum. Áætlanir fyrir árið 2006 gera ráð fyrir að rekstur og afkoma Sparisjóðs Mýrasýslu verði í takt við afkomu ársins 2005.

Aðalfundur Sparisjóðs Mýrasýslu verður haldinn föstudaginn 24. febrúar 2006. Stjórn sparisjóðsins leggur til að greiddur verði 15% arður á árinu 2006 vegna ársins 2005.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is