Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. febrúar. 2006 08:53

Laun hækka hjá bæjarstarfsmönnum á Akranesi

Bæjarráð Akraness samþykkti í gær að nýta að fullu heimildir er tillögur launanefndar Sambands íslenskra sveitarfélaga gera ráð fyrir. Þetta var ákveðið í kjölfar viðræðna við fulltrúa Verkalýðsfélags Akraness og Starfsmannafélag Akraneskaupstaðar. Um er að ræða leikskólakennara og ýmsa starfsmenn sveitarfélagsins sem lægst hafa laun. Eins og fram hefur komið í fréttum Skessuhorns hafði Verkalýðsfélag Akraness gert þá kröfu að launakjör starfsmanna bæjarfélagsins yrðu samræmd launakjörum hjá Reykjavíkurborg.

 

Ef marka má heimasíðu Verkalýðsfélags Akraness munu laun starfsmanna bæjarins sem lægst hafa laun hækka um 12%. Í pistli á heimasíðunni er þessari ákvörðun bæjarráðs fagnað innilega. Jafnframt er hins vegar sagt að nú verði að beita miklum þrýstingi á Samtök atvinnulífsins og ríkið um að hækka laun þeirra sem lægst hafa launin samkvæmt samningum við þessa aðila. Bent er á að eftir þessar hækkanir hafi ófaglærðir fengið um 20% meiri launahækkanir en verkafólk á almennum vinnumarkaði. Það geti verkafólk ekki sætt sig við.

Sveinn Kristinsson formaður bæjarráðs Akraness segir aldrei hafi annað komið til greina en að fara að ákvörðun launanefndar sveitarfélaga. Öllum hafi verið ljóst að hækka þyrfti lægstu laun hjá sveitarfélaginu. Hann segir að launakostnað sveitarfélagsins hækka um 27-30 milljónir á þessu ári og lífeyrisskuldbindingar bæjarfélagsins muni hækka um annað eins. Heildarkostnaður vegna þessarar ákvörðunar verði því um 60 milljónir króna. Bæjarráð samþykkti að vísa kostnaðaraukanum til endurskoðunar fjárhagsáætlunar. Aðspurður hvort hann telji að aðrir hópar geri kröfum um launahækkanir í kjölfar þessarar ákvörðunar segir Sveinn ekki ótrúlegt að einhver umræða fari fram. Hann telji hins vegar ástæðu til þess að minnka samningsbundnar tengingar á milli hópa þannig að breyting á launum eins hóps kalli ekki sjálfkrafa á skriðu breytinga. Sveitarfélög verði að hafa svigrúm til þess að bæta kjör þeirra lægst launuðu án þess að það kalli á breytingar á launum allra.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is