Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. febrúar. 2006 11:34

Nýr umferðarvefur opnaður í Grundaskóla

Sturla Böðvarsson, samgönguráðherra, opnaði í gær með formlegum hætti nýjan vef til umferðarfræðslu í Grundaskóla á Akranesi. Eins og fram hefur komið í fréttum Skessuhorns var á liðnu hausti gerður samningur við Grundaskóla á Akranesi um að skólinn verði móðurskóli umferðarfræðslu hér á landi og hefur starfsfólk skólans unnið að gerð vefjarins. Vefurinn er hluti áætlunar um umferðaröryggi, sem er hluti gildandi samgönguáætlunar. Vefurinn er þrískiptur. Einn hluti, sem kallaður er krakkavefur, er ætlaður yngstu nemendum grunnskóla, annar er ætlaður eldri börnum og síðan er vefur fyrir kennara og foreldra.

 

Auk starfsfólks Grundaskóla hefur starfsfólk Umferðarstofu og Námsgagnastofnunar komið að samantekt fræðsluefnis á vefinn. Gert er ráð fyrir að á vefnum verði í framtíðinni fjölbreytt fræðsluefni við hæfi allra grunnskólabarna þar á meðal vefleiðangrar, vefrallý og leikir og þrautir af ýmsu tagi. Honum er ætlað að vera í sífelldri þróun og verður bætt við námsefni eftir því sem þörf krefur hverju sinni.

Í fréttatilkynningu frá Umferðarstofu segir að opnun vefjarins marki tímamót í umferðarfræðslu í grunnskólum hér á landi því hún hafi því miður ekki verið nægilega markviss. Í könnunum sem gerðar hafi verið kom í ljós að í mörgum grunnskólum er nánast engin umferðarfræðsla og í allmörgum er einhver fræðsla. Nokkrir skólar skera sig þó úr í þessum efnum.

Við vígslu vefjarins kom fram að Rannsóknarráð umferðaröryggismála (RANNUM) hafi á undanförnum árum veitt nokkra styrki til kannana á stöðu umferðarfræðslu í skólum og einnig til gerðar námsefnis og má hluta þess efnis sem er á hinum nýja vef megi rekja til þeirra styrkja.

Kennarar í Grundaskóla munu annast erindrekstur og kynningu á umferðarfræðslu og halda námskeið fyrir kennara og skýra möguleika vefsins í umferðarfræðslu. Hinn nýja umferðarvef er að finna á www.umferd.is

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is