Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. febrúar. 2006 10:11

Lagt til að nokkrar jarðir verði þjóðjarðir

Nefnd skipuð af landbúnaðarráðherra hefur lagt til að nokkrar jarðir í ríkiseigu verði svokallaðar þjóðjarðir. Nefndinni var ætlað að koma með tillögur um hvaða ríkisjarðir á forræði landbúnaðarráðuneytisins skuli ekki seldar með það að markmiði að þær verði þjóðareign í framtíðinni. Í greinargerð nefndarinnar kemur fram að á allra síðustu árum hafi ásókn í jarðir þar á meðal ríkisjarðir aukist verulega. Af þessum ástæðum sé því nauðsynlegt að fyrir liggi ákveðin stefna ríkisins um hvort og þá hvaða jarðir skuli ekki seldar.

 

Í áliti nefndarinnar er lagt til að nokkrar jarðir á Vesturlandi verði þjóðjarðir. Búðir á Snæfellsnesi vill nefndin að verði þjóðjörð vegna sérstæðrar náttúru og nálægðar við þjóðgarðinn umhverfis Snæfellsjökul. Þá er lagt til að vegna sögu Flateyjar á Breiðafirði, gildis hennar fyrir ferðaþjónustu, legu hennar og náttúru verði hún þjóðjörð. Þá er nefnd jörðin Hraundalur ytri í Mýrasýslu. Um hana er sagt að hún sé afskekkt og friðsæl og hafi mikið útivistargildi. Um Skáleyjar á Breiðafirði er sagt að vegna einstakrar náttúru og umhverfis, sögu þeirra og gildi fyrir ferðaþjónustu verði þær skilgreindar sem þjóðjörð.

Hvammur í Dalasýslu er sögð ein þekktasta jörð Íslendingasagna og allt fram á þennan dag. Vegna sögulegs og menningarlegs gildis sé nauðsynlegt að hún verði þjóðjörð. Ólafsdalur í Saurbæjarhreppi hefur merka sögu og því verði hún einnig í hópi þjóðjarða.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is