Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. febrúar. 2006 03:01

Segja meirihlutann skapa bænum skaðabótaskyldu

Bæjarfulltrúar Sjálfstæðisflokksins sem sitja í minnihluta bæjarstjórnar Akraness saka meirihlutann um að mismuna aðilum með því skapa bænum hugsanlega skaðabótaskyldu. Meirhlutinn sakar minnihlutann hins vegar um hringlandahátt.

Á fundi bæjarstjórnar Akraness í gær var til afgreiðslu samkomulag bæjarins við Bílás hf. þar sem fyrirtækinu er úthlutað lóð við Smiðjuvelli. Á lóðinni hyggst fyrirtækið byggja hús undir starfsemi sína. Á fundinum lögðu bæjarfulltrúar Sjálfstæðisflokksins fram svohljóðandi bókun: „Í vinnureglum við úthlutun á byggingalóðum á Akranesi, dagsettar 27. febrúar 2003, segir í grein 3.4. Annað: „Bæjarráði er í sérstökum tilvikum heimilt að veita vilyrði fyrir lóðum, án undangenginna auglýsinga, þegar sótt er um lóðir innan skipulagðra svæða eða á óskipulögðum svæðum. Endanleg úthlutun getur þó ekki farið fram fyrr en að lokinni skipulagsvinnu, sé hennar þörf og að fengnu samþykki bæjarstjórnar.”

 

Nú hefur það gerst tvívegis á skömmum tíma að aðilum hefur verið úthlutað lóð á svæðinu sem kallað er deiliskipulag Smiðjuvalla án undangenginnar auglýsingar. Á sama tíma hefur tveimur öðrum aðilum verið tjáð að ekki sé unnt að úthluta þeim lóðum á þessu svæði með þeim rökum að deiliskipulagi svæðisins sé ekki lokið. Þegar því ljúki muni þessar lóðir verða auglýstar lausar til umsóknar. Með þessum misvísandi afgreiðslum meirihlutans teljum við undirrituð, bæjarfulltrúar Sjálfstæðisflokksins á Akranesi, að verið sé að mismuna aðilum og hugsanlegt sé að bærinn sé að skapa sér skaðabótaskyldu á grundvelli jafnræðisreglunnar í stjórnsýslu.“

Með bókuninni var lagt fram minnisblað frá fundi sem haldinn var, að frumkvæði bæjarráðs, með umsækjendum um lóðir í grennd við Þjóðbraut. Þar kemur fram að lóðum á svæðinu verði lausar til umsóknar um leið og deiliskipulagsferli svæðisins ljúki.

 

Sveinn Kristinsson formaður bæjarráðs lagði fram svohljóðandi bókun: „Undirritaður vísar á bug bókun Sjálfstæðisflokksins um lóðaúthlutanir sem órökstuddu plaggi. Bókunin er enn eitt dæmið um hringlandahátt minnihlutans, sem virðist ekki muna á milli bæjarstjórnarfunda hvernig hann greiðir atkvæði.“

Afgreiðsla bæjarráðs á samningnum var hins vegar samþykkt með níu samhljóða atkvæðum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is