Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. febrúar. 2006 08:54

Hátækni víkingaskip í smíðum hjá Skipavík

Í Stykkishólmi er nú í smíðum rúmlega 16 metra löng víkingaskúta sem skipasmíðastöðin Skipavík hf. stendur fyrir. Skrokkur skútunnar verður með sama lagi og Gauksstaðaskipið sem var vígt í Noregi árið 1882 og er því stuðst við yfir 100 ára gamlar teikningar. “Þó skipið verði byggt með gamalli kunnáttu mun það búa yfir öllum þeim nútímaþægindum og besta hátæknibúnaði sem völ er á,” segir Sævar Harðarsson framkvæmdastjóri og annar eigandi Skipavíkur í samtali við Skessuhorn.

 

Í skipinu verða þrjár káetur, hver með baðherbergi, tveir litlir rafmótorar í stað hefðbundinna díselvéla, ásamt ljósavél og þversegls að hætti víkinga, en með hátæknilegri útfærslu. Skipið er hannað til úthafssiglinga og getur hæglega siglt í kringum jörðin. “Við stefnum á framleiðslu og höfum við fulla trú á að markaður sé fyrir svona skip,”segir Sævar.

Meðeigandi Sævars, Sigurjón Jónsson segist lengi hafa haft þessa hugmynd en undirbúningur að byggingu skipsins hefur staðið yfir í um þrjú ár. Sigurjón, sem sjálfur á skútu, mun fjármagna þetta að mestu sjálfur en áætlar að kostnaður við smíðina verði á bilinu 70 – 100 milljónir króna. Skipið, sem er byggt úr Mahony og Iroko, var límt saman með einu tonni af Epoxy og voru notaðar 250 þvingur við smíðina en þær þurfti að losa og herða á hverjum degi í 4 mánuði meðan smíði grindarinnar í bátinn stóð. “Ég er sannfærður um að þetta verði merkilegasta skip í heimi,” segir Sigurjón sem reiknar með að skútan verði tilbúin á þessu ári.

Skipavík, sem er einn stærsti atvinnurekandinn í Stykkishólmi, hefur um 60 manns á launaskrá og er fyrirtækið með mjög fjölbreytta starfsemi. Ásamt því að byggja víkingaskip, eru í byggingu íbúðarhús og sumarbústaðir í Stykkishólmi og í næsta nágrenni, rekin er byggingavöruverslun, slökkvitækjaþjónustu og sér fyrirtækið auk þess um almennt viðhald á skipum. Þeir félagar Sævar og Sigurjón segja næg verkefni framundan og eru því bjartsýnir á framtíð fyrirtækisins.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is