Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. febrúar. 2006 10:30

Reiðhöll verður byggð í Borgarnesi á þessu ári

Sl. mánudag rituðu fulltrúar Hestamannafélaganna Skugga og Faxa, Hrossaræktarsambands Vesturlands og Borgarbyggðar undir viljayfirlýsingu um að standa saman að uppbyggingu reiðhallar á félagssvæði Skugga í Borgarnesi. Ráðgert er að framkvæmdir fari af stað fljótlega og höllin verði risin og tilbúin til notkunar fljótlega næsta vetur. Borgarbyggð mun leggja 30 milljónir króna til verkefnisins og sameiginlega munu hin félögin leggja fram 10 milljónir með vinnu og fjárframlagi. Stofnað verður sérstakt hlutafélag í eigu áðurnefndra aðila sem mun eiga húsið.  Loks munu þessir aðilar sameiginlega afla þess fjár sem þarf til að koma húsinu í endanlegt horf.

 

Nýverið samþykkti ríkisstjórnin að leggja 270 milljónir til uppbyggingar reiðhúsa á landsbyggðinni og hafa Borgfirðingar góðar væntingar um að fá stuðning úr þeim sjóði til reiðhallarbyggingar í Borgarnesi enda var staðurinn númer tvö í forgangsröðun á eftir Akureyri í tillögum nefndar landbúnaðarráðherra sem fjallaði um byggingu reiðhalla á landinu.

 

Kristján Gíslason, formaður Stugga hefur stýrt undirbúningsvinnu þessara samstarfsaðila að verkefninu. Hann segir að tilkoma reiðhallar í Borgarnesi verði bæði hestaíþróttinni sem og ýmsu öðru menningarlífi í héraðinu og á öllu Vesturlandi til mikils framdráttar. Fram kom að gert er ráð fyrir að byggt verði límtréshús klætt yleiningum frá Límtré-Vírneti og verður húsið staðsett á félagssvæði Skugga milli þjóðvegar og hringvallarins. Það er breytt staðsetning miðað við fyrra skipulag en breyting á deiliskipulagi svæðisins hefur nú verið staðfest af Skipulagsstofnun og því er ekkert að vanbúnaði að hefja verkið.

 

Bjarni Marinósson, formaður Hrossaræktarsambands Vesturlands segir að sambandið sé tengiliður allra hestamannafélaga í landshlutanum og vestur á firði að þessu verkefni. Öll félögin á þessu svæði, reyndar að undanskyldum Dalamönnum, séu aðilar að Hrossaræktarsambandinu. Bjarni gat þess að nú væri mislangt á undirbúningsstigi bygging a.m.k. 8 misstórra reiðhúsa og reiðhalla í landshlutanum, m.a. á þéttbýlisstöðum Snæfellsness, á félagssvæði Dreyra á Akranesi, í Lundarreykjadal, Andakíl, Borgarhreppi og víðar. Hann taldi því að öll aðstaða hestamanna eigi eftir að breytast mikið til batnaðar á næstu misserum á Vesturlandi bæði til sýningarhalds og þjálfunar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is