Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. apríl. 2006 03:51

Kemur Höfrungur heim?

 

Færeyska blaðið Sosialurinn segir frá því í frétt í dag að til standi að selja strandferðaskipið Barsskor til Íslands. Skipinu var lagt fyrir nokkru og er í slæmu ásigkomulagi. Kristian Davidsen segir í viðtalið við blaðið að „hann er illa farin og má pumpast hvønn dag fyri ikki fara til botns.“ Þá kemur fram að fyrirspurnir hafi komið um skipið og nokkur kauptilboð. Hins vegar hafi sú pólitíska ákvörðun verið tekin að selja skipið á safn á Akranesi fyrir eina krónu. Endanleg ákvörðun um söluna sé hins vegar í höndum Lögþingsins.

Skipið var smíðað á Akranesi árið 1929 og er 17,75 metrar að lengd og 4,24 metrar að breidd og hét þá Höfrungur og var í eigu Haraldar Böðvarssonar þar til hann slitnaði frá bryggju í Lambhúsasundi 1946 og rak upp í kletta. Gert var við bátinn og hann seldur til Færeyja. Ástvaldur Bjarnason var lengst skipstjóri á Höfrungi. Í Færeyjum var skipið notað til flutninga á pósti og farþegum til og frá Klakksvík.

 

Gísli Gíslason fyrrverandi bæjarstjóri á Akranesi er einn þeirra sem unnið hafa að málinu á Akranesi. Hann segir það hafa verið áhugamál bæjaryfirvalda á Akranesi lengi að ná þessu sögufræga skipi heim. „Við sendum formlegt erindi af hálfu bæjarins í fyrra þar sem við óskuðum eftir því að fá að kaupa skipið. Það er því mjög ánægjulegt að heyra að frændur okkar skuli vera sammála okkur.“ Gísli segir engar ákvarðanir hafi verið teknar um með hvaða hætti skipið verður varðveitt eftir að það kemur til Akraness að nýju.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is