Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. apríl. 2006 08:41

Bjarni á Hvanneyri gefur út sumarlagahljómdisk

Væntanlegur er geisladiskur með lögum eftir Bjarna Guðmundsson á Hvanneyri. Bjarni hefur starfað við kennslu og landbúnaðarrannsóknir um langt árabil en hefur í frístundum sínum fengist við ýmsar tegundir alþýðutónlistar, þar með talið lagasmíð. Geisladiskurinn heitir “Að sumarlagi” enda eru lögin, sem öll eru í léttari kantinum, við ljóð er tengjast sumri, sól, sveit og bústörfum. Ljóðin fjalla um sólstafi, vorið, salat, heyannir, rigningu, harðfisk, bygg og hafra, hrúta, Jón Hreggviðsson og ýmislegt fleira.

 

Flest eru ljóðin eftir önfirska skáldbóndann Guðmund Inga Kristjánsson frá Kirkjubóli í Bjarnardal; ein tíu, en þar eru einnig ljóð eftir Guðmund Böðvarsson á Kirkjubóli í Hvítársíðu, Jóhannes úr Kötlum, Trausta Eyjólfsson á Hvanneyri auk eins frumsamins ljóðs. Bjarni flytur flest lögin sjálfur en Þórunn Pétursdóttir, sem raunar er héraðsfulltrúi Landgræðslunnar á Vesturlandi, syngur tvö laganna. Vilhjálmur Guðjónsson útsetti öll lögin á diskinum ásamt höfundi og annaðist hljóðritun og mest af hljóðfæraleiknum auk Bjarna og fleiri.

“Tilefni útgáfu laganna á geisladiski er eiginlega afmælishvatning frá nágrönnum fyrir nokkrum árum, en lögin hafa orðið til á síðustu tveimur áratugum eða svo,” sagði Bjarni í samtali við Skessuhorn.

Gert er ráð fyrir að geisladiskurinn komi út 20. apríl nk, þ.e. fyrsta sumardag og er þá stefnt að útgáfukynningu í veitingastaðnum Tímanum og vatninu í Fossatúni klukkan 20:30. Diskurinn verður fyrst og fremst til sölu hjá höfundinum, að Túngötu 5 á Hvanneyri, síminn er 437 0068 og netfangið  laekjartun@vesturland.is þar sem tekið er við pöntunum.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is