Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. apríl. 2006 11:48

Krefjast framkvæmda á lóð Brekkubæjarskóla

Stjórnir foreldrafélags og foreldraráðs Brekkubæjarskóla hafa með bréfi skorað á bæjarstjórn Akraness að flýta framkvæmdum á lóð Brekkubæjarskóla. Bæjarráð hefur falið bæjarstjóra að ræða við stjórnir félaganna. Í bréfinu kemur fram að það sé mat stjórnanna að of langur tími sé nú ætlaður í framkvæmdir en nú er unnið eftir þriggja ára áætlun við lóðaframkvæmdir. Segja foreldrarnir að bregðast þurfi við strax „og gefa börnunum almennilegt leiksvæði,“ eins og segir orðrétt í bréfinu.

 

Þá segir að nú séu áætlaðar 15 milljónir króna í lóðarframkvæmdir á þessu ári og ljóst sé að sú fjárhæð fari eingöngu í plan og bílastæði vegna tengingar við stækkun á anddyri skólans. Þá sé fyrirhugað að taka leiksvæði við Vesturgötuhlið skólans undir bílastæði. Á þessu leiksvæði séu í dag þrjár „niðurníddar áratugagamlar rólur og ein jafnvægisslá“ og þegar þessi tæki séu farin standi þá eftir gamall og þreyttur kastali. Þá segir að girðing sem afmarkar lóð skólans sé illa farin „ef hún er þá til staðar,“ segir í bréfinu.

Foreldrarnir telja að skólalóðin hafi setið alltof lengi á hakanum og því verði að gefa þeim 432 börnum sem sækja skólann „skólalóð sem þau geta leikið sér á og verið stolt af.“ Er þess krafist að þegar verði veitt aukafjárveiting til framkvæmda við lóðina og framkvæmdum lokið í sumar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is