Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. apríl. 2006 05:53

Glæsilegri leiktíð lokið hjá Skallagrími

Árangursríkri leiktíð hjá körfuknattleiksliði Skallagríms lauk í Borgarnesi í fyrrakvöld þegar lið Njarðvíkur sigraði í fjórða leik liðanna í úrslitakeppninni um Íslandsmeistaratitlilinn. Njarðvíkingar hömpuðu því Íslandsmeistaratitlinum en Skallagrímsmenn geta mjög vel við unað að loknum besta tímabili þeirra frá upphafi. Fyrir leikinn á mánudagskvöldið hafði lið Njarðvíkur unnið tvo leiki í einvíginu og Skallagrímsmenn höfðu unnið einn. Það verður að segja það eins og er að það var betra liðið sem vann í þessum leik því aðeins í fyrsta leikhluta var jafnræði með liðunum. Þegar yfir lauk höfðu Njarðvíkingar skorað 81 stig en leikmenn Skallagríms 60 stig.

 

Ekki fór fram hjá neinum að þreyta setti mikið strik í leik Skallagrímsmanna enda törnin verið mikil í undanúrslitum og nú í fjórum leikjum í úrslitarimmunni.

Georg Byrd var stigahæstur í liði Skallagríms með 20 stig, Pálmi Þór Sævarsson skoraði 9 stig og það gerði einnig Pétur Már Sigurðsson. Jovan Zdravevski skoraði 8 stig, Dimitar Karadovski 5, Hafþór Gunnarsson 4 og Axel Kárason 4 stig.

Þrátt fyrir að hafa tapað rimmunni við Njarðvík geta allir þeir sem að liði Skallagríms stóðu borið höfuðið hátt eftir leiktíðina því árangurinn er glæsilegri en flestir þorðu að vona. Ekki má þar gleyma hlut stuðningsmanna liðsins sem fylgdu liðinu vel eftir og studdu það með ráðum og dáð í leikjum þess.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is