Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. apríl. 2006 05:26

Sérhannað aksturskennslusvæði mun rísa á Akranesi

Viljayfirlýsing um stofnun og rekstur aksturskennslusvæðis á Akranesi var undirrituð í Reykjavík í dag. Það eru Ökukennarafélag Íslands og Akraneskaupstaður sem nú hafa tekið upp formlegt samstarf um slíkt svæði og hefur samgönguráðuneytið einnig komið að málinu. Það voru Guðbrandur Bogason formaður Ökukennarafélagsins og Guðmundur Páll Jónsson bæjarstjóri sem undirrituðu viljayfirlýsinguna í dag og einnig staðfesti Sturla Böðvarsson samgönguráðherra aðkomu ráðuneytisins að málinu með undirskrift sinni.

 

Um er að ræða fyrirtæki sem byggir og rekur sérhannað aksturskennslusvæði og mun hönnun þess og starfsemi taka mið af væntanlegri reglugerð samgönguráðuneytisins um slík kennslusvæði. Fram kemur í viljayfirlýsingunni að markmið samstarfs þessara aðila sé að auka umferðaröryggi á Íslandi með uppbyggingu svæðisins og það verði sérhannað fyrir íslenska ökumenn. Því sé einnig ætlað að standast alþjóðlegar kröfur sem gilda um starfsemi sem þessa. Þá segir að sömu aðilar muni leggja sig fram við að reisa sérstök ökugerði á nokkrum stöðum á landinu og efla þannig frekar grunnökunám á Íslandi.

 

Guðmundur Páll Jónsson, bæjarstjóri á Akranesi segir að með viljayfirlýsingunni í dag sé lokið löngu undirbúningsferli og nú geti undirbúningur að byggingu svæðisins hafist af fullum krafti. Áætlað er að Akraneskaupstaður legggi til um 5-6 hektara lands undir starfsemina og mun það skýrast á næstu vikum að lokinni skipulagsvinnu hvar á Akranesi starfseminni verður komið fyrir. Guðmundur Páll segir undirbúning málsins hafa verið ánægjulegan en mest um vert sé að með byggingu slíks svæðis verði áratuga gömlum draumi ökukennara hrint í framkvæmd og með því verði hægt að bæta umferðaröryggi til muna.

 

Framkvæmdakostnaður hefur ekki verið metinn til fulls en skotið hefur verið á um 200 milljónir króna. Vonast er til þess að hluthafar að hinu nýja félagi verði allir þeir aðilar sem láta sig bætt umferðaröryggi varða, að sögn Guðmundar Páls, og vonast hann til þess að á næstu 12-14 mánuðum muni væntanlegt fyrirtæki og rekstur þess fá á sig endanlega mynd. Reiknað er með því að í framtíðinni muni allir þeir sem taka ökupróf á landinu reyna sig á þessu aksturkennslusvæði enda verður þar líkt eftir öllum þeim aðstæðum sem mætt geta ökumönnum á leið þeirra á þjóðvegum landsins. Aðstæður sem ekki eru að öllu jöfnu fyrir hendi við ökukennslu í dag.

Með undirskriftinni í dag má segja að miðpunktur umferðarmála sé kominn á Akranes því skemmst er að minnast þess er Umferðarvefurinn var opnaður í Grundaskóla á Akranesi en sá vefur er samstarfsverkefni Umferðarstofu, Gundaskóla og Námsgagnastofnunar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is