Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. apríl. 2006 02:49

Hagnaður af rekstri Dalalambs á síðasta ári

Dalalamb ehf., sem rekið hefur sláturhúsið í Búðardal, var í fyrra rekið með tæplega 8,6 milljóna króna hagnaði að því er fram kemur í fréttatilkynningu frá félaginu. Hjá félaginu var slátrað um 15.500 fjár og voru heildartekjur á árinu tæpar 107 milljónir króna. Slátrun hófst hjá félaginu síðastliðið haust en ekki fékkst heimild til slátrunar haustið 2004 þrátt fyrir að búið hafi verið að leggja í töluverðan kostnað vegna undirbúnings slátrunar.  Vegna rekstrarafkomu ársins 2005 hefur félagið nú staðið að fullu í skilum með þann kostnað sem stofnað var til á árinu 2004 að því er kemur fram í tilkynningu félagsins.

 

Þá hefur stjórn félagsins tekið ákvörðun um að greiða bændum 61 krónu fyrir hverja gæru vegna sláturtíðar haustið 2005. Greiðsla til bænda fer fram á næstunni. Lýkur þá fullnaðaruppgjöri við innleggjendur hjá félaginu.

Lokið er við endurbætur á húsnæði sláturhússins.  Í kjölfar þess fékk það löggildingu og rekstrarleyfi sl. haust.  Samkvæmt ársreikningi Sláturhússins í Búðardal ehf. 2005 og uppgjöri við verktaka nam heildarkostnaðurinn við endurbæturnar rúmum 66 milljónum króna og er fjármögnun lokið.

 

Fyrir sláturtíð 2005 var gerður samningur við Norðlenska um kaup á öllum afurðum Dalalambs ehf. Gekk það samstarf svo vel eftir að nú hefur verið gerður leigusamningur við Norðlenska matborðið um leigu á húsnæði sláturhússins í Búðardal til ársins 2015. Þannig mun Norðlenska taka yfir rekstur sláturhússins frá og með haustinu 2006. Mun því slátrun í haust fara fram á vegum Norðlenska matborðsins. Í tilefni af þessu bauð Norðlenska bændum í Dalasýslu í tveggja daga heimsókn til fyrirtækisins á Akureyri og Húsavík í mars sl. 

 

Í fréttatilkynningunni segir að ætla verði að með áframhaldandi rekstri sláturhúss við hlið hins öfluga Mjólkursamlags í Búðardal sé hefðbundinn landbúnaður í Dalasýslu og nágrenni enn betur tryggður til framtíðar litið.  „Ljóst er að með þessu er verið að tryggja nokkur ársstörf í Dalabyggð svo og mikla þjónustu við bændur á svæðinu,“ segir orðrétt. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is