Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. maí. 2006 09:39

Út og suður enn á ný

Sveitapilturinn prúði, Gísli Einarsson, heldur áfram flakki sínu um landið í þættinum Út og suður í Sjónvarpinu. Þetta er fjórða sumarið í röð sem Gísli fer til fundar við íslensku þjóðina. Viðmælendur eru yfirleitt tveir í hverjum þætti og farið er út og suður í umræðunni.  Tilgangurinn með þessari þáttagerð hefur frá upphafi verið að sýna sjónvarpsáhorfendum að í þessu landi þrífst fjölbreytt og skemmtilegt mannlíf. Því er ekki leitast eftir að ræða við “hina tuttugu frægu Íslendinga” heldur fólk sem hefur ekki verið mikið í sviðsljósinu. Fólk á öllum aldri, allsstaðar að af landinu. Skemmtilegt fólk sem er að fást við áhugaverða hluti. Það er nóg af slíku fólki á Íslandi og því ættu sjónvarpsáhorfendur að fá eitthvað fyrir sinn snúð næstu sextán sunnudagskvöld.

 

Út og suður hefur fengið góðar viðtökur hjá þjóðinni síðustu sumur en þess má geta að síðasta sumar var þátturinn vinsælasta innlenda dagskrárefnið samkvæmt áhorfskönnun IMG Gallup.

 

Fyrsti þáttur sumarsins er á dagskrá RUV næstkomandi sunnudag strax á eftir Kastljósi. Þar verður rætt við tvær listakonur úr Reykjavík, Ingu Maríu Brynjarsdóttur, unga konu sem fæst við hreyfimyndagerð þar sem leirinn er í aðalhlutverki. Hún er tveggja barna móðir og er með kvikmyndaverið á stofugólfinu hjá sér.

 

Sigríður María Níelsdóttir er tónskáld á áttræðisaldri. Hún er dönsk en kom hingað til lands fyrir rúmum fimmtíu árum þegar hún fékk ekki leyfi til þess hjá foreldrum sínum að eiga unnusta sinn vegna þess að hann var bara sjómaður. Sigríður María hefur gefið út ríflega 50 geisladiska með eigin tónlist á síðustu tíu árum.

 

Í næstu þáttum verður m.a. spjallað við garðyrkjumann á Suðurlandi sem býr með 40 Bengalköttum, konu á Austurlandi sem er í beinu sambandi við Hallgerði langbrók, 17 ára kirkjuorganista í Dölum, kraftakarl á Breiðdalsvík, kínverskan hagfræðing og karatemeistara ofl. ofl.

  

Umsjónarmaður Út og suður er sem fyrr Gísli Einarsson en hann er jafnframt framleiðandi og annast dagskrárgerð og klippingu í félagi við Frey Arnarson. Sá síðarnefndi er myndatökumaður þáttanna og sér um flest annað sem gera þarf. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is