Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. maí. 2006 01:53

Auknar fjárveitingar til öldrunarþjónustu á Akranesi

Siv Friðleifsdóttir, heilbrigðis- og tryggingamálaráðherra, tilkynnti á fundi í Bíóhöllinni á Akranesi að hún hefði fallist á beiðni Dvalarheimilisins Höfða á Akranesi um breyta 5 dvalarrýmum í hjúkrunarrými. Jafnframt tilkynnti hún að tekin hefði verið ákvörðun um að efla heimahjúkrun heilsugæslunnar á Akranesi.

 

Með breytingu dvalarrýma í hjúkrunarrými segir Siv í samtali við Skessuhorn að verið sé að koma til móts við sívaxandi þörf og óskir stjórnar Höfða. Kostnaður við hjúkrunarrými er talsvert meiri en við dvalarrými eða 14 þúsund krónur á dag í stað 6 þúsund krónur á dag. Er því reiknað með að kostnaður vegna þessarar ákvörðunar verði um 15 milljónir króna.

 

Til þess að efla heimahjúkrun hefur ráðherra ákveðið að verja sex milljónum króna til þeirrar starfsemi heilsugæslunnar. Ráðherra segir að með þessum auknu fjármunum telji stjórnendur stofnunarinnar að hægt verði að tvöfalda heimahjúkrunina. Fram til þessa hefur verið veitt heimahjúkrun og þjónusta að degi til virka daga en ekki um helgar en hér eftir verður heimahjúkrun í boði fram til kvölds alla daga vikunnar.

 

Siv segir að með þessum aðgerðum sé hægt að gera fólki kleyft að búa lengur í heimahúsum sem séu sjálfsögð mannréttindi. Jafnframt dragi þessi breyting úr eftirspurn eftir dýrari kostum eins og vistun á stofnunum.

 

Eins og áður sagði tilkynnti ráðherra um þessar auknu fjárveitingar á fundi í Bíóhöllinni. Fundurinn var haldinn af frambjóðendum Framsóknarflokksins við bæjarstjórnarkosningarnar í vor. Siv segir framsóknarmenn á Akranesi sem og á öðrum stöðum á landinu leggja þunga áherslu á málefni aldraðra og þessi ákvörðun sé liður í þeirri stefnu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is