Forsíða
Auglýsing
Rss straumur af fréttum frá Skessuhorni
Lágnætti. Fjórði Sunnudagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. maí. 2006 01:18

Sameiningarnefnd vill endurráða alla starfsmenn sveitarfélaga

Sameiningarnefnd Borgarbyggðar, Borgarfjarðarsveitar, Hvítársíðurhrepps og Kolbeinsstaðahrepps hefur lagt fram tillögur um stjórnskipan í nýju sameinuðu sveitarfélagi sem kosið verður til um næstu helgi. Tillögurnar eru unnar í samstarfi við Rannsóknamiðstöð Viðskiptaháskólans á Bifröst. Nefndin leggur til að allir starfsmenn sveitarfélaganna fjögurra verði starfsmenn hins nýja sveitarfélags og það eigi einnig við um starfsmenn byggðasamlaga er sveitarfélagið á aðild að. Þó segir í tillögum nefndarinnar að vegna skipulagsbreytinga sem óhjákvæmilega fylgi sameiningu sveitarfélaganna geti orðið breyting á starfssviði og verkefnum einstakra starfsmanna.

 

Þá gerir nefndin ráð fyrir að forstöðumenn stofnana beri aukna faglega og fjárhagslega ábyrgð á sínum stofnunum.

Samkvæmt upplýsingum frá nefndinni eru alls 19,3 stöðugildi í stjórnsýslu sveitarfélaganna fjögurra í dag. Eru störf oddvita minni sveitarfélaganna þriggja ekki meðtalin. Samkvæmt tillögum nefndarinnar er gert ráð fyrir að stöðugildi í stjórnsýslu hins nýja sveitarfélags verði 22-23 talsins. Lagt er til að stjórsýslan skiptist í þrjú svið, fjármála- og stjórnsýslusvið, fjölskyldusvið og framkvæmdasvið.

Samkvæmt tillögum nefndarinnar er markmiðið að stjórnkerfið verði gegnsætt og aðgengilegt fyrir íbúa. Sviðin þrjú verði að hafa með sér náið samstarf og samræmi þurfi að vera í stjórnsýslu og nefndakerfi. Gert er ráð fyrir að sex fagnefndir verði starfandi í sveitarfélaginu auk byggðaráðs. Nefndirnar eru atvinnu-og markaðsnefnd, félagsmálanefnd, fræðslunefnd, landbúnaðar- og umhverfisnefnd, skipulags- og byggingarnefnd og tómstunda- og menningarnefnd. Lagt er til að hver nefnd verði skipuð fimm fulltrúum, nema fræðslunefnd sem skipuð verði sjö fulltrúum.

Í bókun nefndarinnar kemur fram að bæjarstjórinn í Borgarbyggð og sveitarstjórinn í Borgarfjarðarsveit séu með ráðningarsamninga fram að sveitarstjórnarkosningum og ljúki eðli málsins samkvæmt störfum þá. Ný sveitarstjórn muni ráða sveitarstjóra hins nýja sveitarfélags.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is