Forsíða
Auglýsing
Rss straumur af fréttum frá Skessuhorni
Lágnætti. Fjórði Sunnudagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. maí. 2006 12:15

Smellinn með verðlaunaverkefni fyrir markaðsáætlun

Verkefninu Útflutningsaukning og hagvöxtur lauk hjá Útflutningsráði sl. þriðjudag, en verkefnið hefur staðið yfir í níu mánuði. Að þessu sinni tóku ellefu fyrirtæki þátt í verkefninu, sex eru vöruframleiðendur, fimm af landsbyggðinni og fjögur í þjónustu. Verðlaun fyrir bestu markaðsáætlunina komu í hlut fyrirtækisins Smellinn hf. á Akranesi. Jón Ásbergsson, formaður stýrinefndar sagði við það tækifæri: „Það var samhljóða niðurstaða stýrinefndarinnar að skýrsla fyrirtækisins Smellinn sem unnin var af Halldóri Geir Þorgeirssyni væri besta markaðsskýrsla þessa árgangs ÚH fyrirtækja.

 

Um er að ræða traust fyrirtæki á innlendum markaði sem hyggst markaðsetja einstaka framleiðsluaðferð sína erlendis. Er skýrslan yfirgripsmikil lýsing á fyrirtækinu og möguleikum þess til að vinna markaði erlendis. Sú leið sem fyrirtækið hefur valið er varfærin, en skýr og skipt í skilgreinda verkþætti þar sem árangur verður metinn áður en næstu skref eru stigi. Markaður fyrirtækisins er ekki auðveldur viðfangs og því verður spennandi að fylgjast með framgangi þess á næstu árum.“ 

 

ÚH-verkefnið er ætlað fyrirtækjum sem hafa áhuga á að hefja útflutning, auka útflutning eða treysta tök sín á markaðssetningu á erlendri grundu. Um 150 fyrirtæki hafa tekið þátt í verkefninu frá upphafi og spanna þau nánast alla flóru íslensks atvinnulífs. Fyrirtækin sem að tóku þátt að þessu sinni eru Smellinn frá Akranesi, Life-Navigation, Elás, Húfur sem hlæja og Ismedia, öll frá Reykjavík, Leiðbeiningamiðstöðin Sauðárkróki, Þvottatækni frá Seyðisfirði, Valka og Highlanders, bæði frá Kópavogi, Íslenskur kúffiskur frá Þórshöfn og Ferðamálanefnd Djúpavogs.

Að ÚH verkefninu standa Útflutningsráð Íslands, Nýsköpunarsjóður atvinnulífsins, Landsbanki, Bakkavör, Byggðastofnun og Samtök iðnaðarins.

 

Nánar verður greint frá þessum verðlaunum og fyrirætlunum Smellinn fyrirtækisins í Skessuhorni í næstu viku. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is