Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júní. 2006 06:54

Skólar sameinist um námsleiðir – útskrift frá LbhÍ

Landbúnaðarháskóli Íslands (LbhÍ) útskrifaði um 70 nemendur á fimmtudag og föstudag í síðustu viku. Brautskráningin í ár fór fram á tveimur stöðum, á fimmtudag í Reykholti og föstudag á Reykjum í Ölfusi. Þetta var önnur brautskráning skólans, en í fyrsta sinn sem brautskráð er úr öllum deildum því á Reykjum er útskrifað annað hvert ár.  Í Reykholti brautskráðust 22 nemendur úr háskólanámi og 22 að auki af búfræðibraut. Fjórir nemendur voru hæstir með einkunnina 9,0 fyrir BS-ritgerð, þau Brynja Dögg Ingólfsdóttir, Daði Lange Friðriksson, Friðrik Már Sigurðsson og Oddný Guðmundsdóttir. Lára Björk Sigurðardóttir var hæst á búfræðiprófi með einkunnina 8,9. Berglind Ósk Óðinsdóttir hlaut 8,2 hæstu einkunn í búvísindum, Kerstin Langenberger í landnýtingu 8,3 og þær Brynja Dögg Ingólfsdóttir og Kristbjörg Ágústsdóttir í umhverfisskipulagi 8,6.

 

 

Einingar hins íslenska háskóla

Aðspurður sagðist Ágúst Sigurðsson rektor að síðan skólinn var stofnaður hafi vinnan fyrst og fremst snúið að innra skipulagi. Nú tæki hins vegar við tímabil uppbyggingar og framkvæmda. Bæta þyrfti aðstöðuna ef markmið skólans um helmings stækkun ætti að nást. Í því skyni væru framkvæmdir framundan á Hvanneyri, húsnæði yrði breytt og einnig þyrfti að ráðast í nýbyggingar.

 

Ágúst lagði í ræðu sinni áherslu á að bjart væri framundan hjá LbhÍ. Risastórt skref hefði verið stigið í vor þegar skólinn fékk heimild til að bjóða upp á nám til þriðju háskólagráðu, þ.e. nám til doktorsprófs. LbhÍ er annar skólinn á eftir Háskóla Íslands sem fær heimild til þess og er það viðurkenning á góðu starfi starfsfólks skólans. Fyrsti doktorsneminn hefur þegar hafið nám.

 

LbhÍ hefur átt í góðri samvinnu við aðrar menntastofnanir, bæði hérlendis og erlendis. Ágúst telur að með nýjum háskólalögum opnist spennandi möguleikar á því sviði. “Ég er þess fullviss að við munum í framtíðinni sjá miklu meira af því að skólar sameinist um rekstur námsleiða enda eru þar ótal möguleikar til þess að tengjast erlendum skólum og auka þar með enn á gæði viðkomandi náms auk þess að fjölga möguleikum námsfólks til mennta.” Hann lagði ríka áherslu á að þó farið væri í aukna samvinnu og jafnvel sameiningu væri háskólarekstur á landsbyggðinni þjóðinni mikilvægur og lykilatriði til árangurs í byggðamálum. Réttara væri að líta á hvern skóla fyrir sig sem einingar hins íslenska háskóla, þannig sé hægt að bjóða upp á gott nám og stunda öflugar og vandaðar rannsóknir á heimsmælikvarða.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is