Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. júní. 2006 12:14

Laun bæjarstjórnar á Akranesi hækka umtalsvert

Bæjarstjórn Akraness samþykkti á fundi sínum í gær umtalsverða hækkun launa bæjarfulltrúa. Tillagan var borin upp af bæjarfulltrúum Sjálfstæðisflokksins sem tekur sæti í meirihluta í næstu viku. Fulltrúar núverandi meirihluta sátu hjá við atkvæðagreiðsluna og telja að skoða hefði þurft málið betur.

 

 

Fundur bæjarstjórnar í gær var sá síðasti á kjörtímabilinu. Í næstu viku tekur ný bæjarstjórn við völdum og eins og fram hefur komið í fréttum hafa bæjarfulltrúar Sjálfstæðisflokksins og Frjálslyndra og óháðra myndað meirihluta. Það voru bæjarfulltrúar Sjálfstæðisflokksins, þau Gunnar Sigurðsson, Jón Gunnlaugsson, Guðrún Elsa Gunnarsdóttir og Þórður Þ. Þórðarson, sem lögðu fram tillögu um breytingar á kjörum bæjarfulltrúa og nefndarmanna. Í grunninn miðast launin sem áður við þingfararkaup alþingismanna en hlutfallið hækka. Þingfararkaup er í dag 471.427 krónur á mánuði. Sem dæmi má nefna að bæjarfulltrúa hækkar úr 13,5% á mánuði í 16,5% á mánuði og nemur því launahækkunin rúmum 22%. Laun forseta bæjarstjórnar hækka úr 19% á mánuði í 25% eða um 24% og laun formanns bæjarráðs hækka úr 18,5% í 24,4% eða um rúm 24%.

 

Gunnar Sigurðsson bæjarfulltrúi segir að með tillögunni sé verið að færa laun bæjarfulltrúa í bæjarstjórn Akraness til samræmis við laun bæjarfulltrúa í Borgarbyggð en bæjarfélögin hafi reynt að fylgjast að í launakjörum. Aðspurður hvort ekki sé um óeðlilega mikla hækkun að ræða segir Gunnar að tímabært hafi verið að endurskoða launakjörin sem ekki hafi tekið breytingum um langt skeið. Eins og áður kom fram var fundurinn í gær síðasti fundur sitjandi bæjarstjórnar. Aðspurður hvort ekki hefði verið eðlilegra að ný bæjarstjórn tæki ákvörðun í þessu máli sagði Gunnar það svo ekki vera. „Bæjarfulltrúar eru í erfiðri aðstöðu því þeir þurfa í raun sjálfir að ákveða sín laun. Því er ekki óeðlilegt að fráfarandi bæjarstjórn búi í haginn fyrir þá næstu. Við töldum nauðsynlegt að bæta kjörin til þess að gera fólki betur kleift að sinna þessum nauðsynlegu störfum. Því er ekki að neita að í þessum félagsstörfum sem öðrum hefur verið erfiðara að fá fólk til starfa og vonandi mun þessi breyting því verða til góðs“ segir Gunnar.

 

Bæjarfulltrúar fráfarandi meirihluta bæjarstjórnar sátu hjá við atkvæðagreiðsluna. Guðmundur Páll Jónsson fráfarandi bæjarstjóri segir hjásetuna ekki merki þess að meirihlutinn hafi verið ósáttur við málið eða andvígur því. „Það er ávallt vandmeðfarið þegar fólk er sett í þá stöðu að ákveða sín eigin laun. Málið bar brátt að og við hefðum viljað skoða það betur. Því ákváðum við að sitja hjá“ sagði Guðmundur Páll.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is