Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. júní. 2006 02:41

Bæjarritari verður ekki staðgengill bæjarstjóra Akraness

Um leið og bæjarstjórn Akraness samþykkti ráðningu Gísla S. Einarssonar í starf bæjarstjóra Akraness var tilkynnt að meirihluti bæjarstjórnar hefði komist að samkomulagi um að forseti bæjarstjórnar verði staðgengill bæjarstjóra og í fjarveru þeirra verði formaður bæjarráðs staðgengill bæjarstjóra.

 

Undanfarin kjörtímabil hefur málum verið þannig háttað að Jón Pálmi Pálsson bæjarritari hefur verið staðgengill bæjarstjóra. Fulltrúar minnihluta bæjarstjórnar, Sveinn Kristinsson og Guðmundur Páll Jónsson, mótmæltu þessari bókun og töldu að með henni væri freklega gengið gegn ráðningarsamningi kaupstaðarins við bæjarritara.

 

 

Samkvæmt upplýsingum Skessuhorns hljóðar umrætt ákvæði í ráðningarsamningi Jóns Pálma Pálssonar svo: „Í þeim tilvikum sem bæjarstjóri er fjarverandi vegna orlofs eða annarra fjarvista gegnir bæjarritari starfi bæjarstjóra. Í þeim tilvikum skal bæjarritari vera á launakjörum bæjarstjóra þann tíma sem hann gegnir starfi hans“.

 

Jón Pálmi segir þessa ákvörðun hafa komið sér á óvart enda hafi hann verið staðgengill bæjarstjóra síðan 1987 og öll sveitarfélög sem hann þekki tíl í, bæði minni og stærri sveitarfélög,  hafi þann háttinn á að bæjarritari eða sviðsstjóri stjórnsýslu- og fjármálasviðs sé staðgengill bæjarstjóra. Aðspurður undrast hann þessa bókun og segir hann ekkert hafa verið rætt við sig fyrir fundinn og ekki fengið neinar skýringar  um málið og því lítið um málið að segja á þessu stigi.

 

Gunnar Sigurðsson forseti bæjarstjórnar Akraness segir ekki óeðlilegt að meirihluti bæjarstjórnar hverju sinni geri með sér samkomulag um hver sé staðgengill bæjarstjóra. Slíkt hafi verið gert nú og ekki sé verið að brjóta á starfskjörum eða skyldum bæjarritara. Að öðru leyti vildi hann ekki tjá sig um málið.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is