Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. júní. 2006 02:26

Borgarbyggð heitir sameinað sveitarfélag í Borgarfirði

Bæjarstjórn nýs sameinaðs sveitarfélags Borgarbyggðar, Borgarfjarðarsveitar, Hvítársíðuhrepps og Kolbeinsstaðahrepps samþykkti á sínum fyrsta fundi í gær að sveitarfélagið skyldi heita Borgarbyggð. Hlaut það nafn fimm atkvæði en Sveitarfélagið Borgarfjörður hlaut fjögur atkvæði.

 

 

Samhliða sveitarstjórnarkosningum á dögunum fór fram skoðanakönnun um nafn á hinu nýja sveitarfélagi. Kjósendur höfðu úr fjórum nöfnum að velja sem sérstök nafnanefnd hafði fengið samþykkt hjá Örnefnanefnd. Þau voru Borgarbyggð, Brákarbyggð, Mýrabyggð og Sveitarfélagið Borgarfjörður. Meirihluti þeirra er tóku þátt í skoðanakönnuninni, eða 1.034 manns, greiddu Borgarbyggð atkvæði sitt en nafnið Sveitarfélagið Borgarfjörður hlaut 628 atkvæði.

 

Samkvæmt sérstöku samkomulagi átti sameiginlegur fundur sveitarstjórna hinna fjögurra sveitarfélaga að velja nafn hins nýja sveitarfélags. Þar féllu atkvæði hins vegar jöfn 12-12 og var því ákveðið að hin nýja sveitarstjórn myndi ákveða nafnið.

 

Á fundinum í gær lagði Sveinbjörn Eyjólfsson bæjarfulltrúi Framsóknarflokksins fram tillögu um að atkvæðagreiðslunni yrði frestað og sveitarstjóra falið að taka saman upplýsingar um nafngiftir sveitarfélaga sem sameinuð hafa verið „sérstaklega þar sem eitt sveitarfélaganna er sýnu stærst“ eins og sagði meðal annars orðrétt í tillögunni. Einnig vildi hann afla rökstuddrar greinargerðar frá Örnefnanefnd um „af hverju skeyta þurfi „sveitarfélagið“ fyrir framan falleg sveitarfélaganöfn“. Tillagan var felld með sex atkvæðum gegn tveimur.

 

Var þá gengið til leynilegra kosninga um nafn sveitarfélagsins og eins og áður sagði hlaut nafnið Borgarbyggð fimm atkvæði og Sveitarfélagið Borgarfjörður fjögur atkvæði.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is