Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. júní. 2006 10:34

Reykhóladagurinn er á laugardaginn kemur

Um næstu helgi verður Reykhóladagurinn haldinn í annað sinn. Dagurinn var í fyrra haldinn hátíðlegur í fyrsta skipti og þá í júlíbyrjun, en nú verður hann haldinn á Jónsmessunni, laugardaginn 24. júní nk. Dagskráin er fjölbreytt og skemmtileg og ástæða til að hvetja unga sem aldna til að kynna sér hana. Í stórum dráttum verður hún þessi:

 

Kl. 13 -14 er skipulögð gönguferð frá Miðjanesi að Heyárfossi og þaðan niður að Skerðingsstöðum.  Leiðsögumaður er Halldóra Játvarðardóttir (Lóa á Miðjanesi).  Þarna er allt morandi í örnefnum á þessari fallegu leið sem Lóa kann skil á.  Mæting er kl. 13:00 að Miðjanesi.

Kl. 14:00 hefst síðan dagskrá fyrir framan húsnæði hlunnindasýningarinnar á Reykhólum:

1) Fornbátasýning.  Sýndir verða gamlir bátar frá Breiðafirði og víðar að.  Meðal annars munu Aðalsteinn Valdimarsson á Reykhólum, Hjalti Hafþórsson á Akranesi, Eggert Björnsson á Patreksfirði og Hafliði Aðalsteinsson í Kópavogi mæta með báta á staðinn.

2) Kristján Arnarsson frá Stórholti í Saurbæ leikur tónlist fyrir gesti.

3) Freyja Ólafsdóttir kokkur í Bjarkalundi mun matreiða skarf og fleira góðgæti fyrir gesti til að smakka.

4) Kvenfélagið Katla verður með sölubás á staðnum.

Athugið að Grettislaug verður opin og frítt inn á hlunnindasýninguna!

Að dagskrá lokinni mun verða grillað í Hvanngarðabrekku (Kvenfélagsgarðinum).  Kveikt verður upp í grillinu kl. 16:30.  Gestir mæta sjálfir með eitthvað gott á grillið!

Um kvöldið verður boðið upp á sætaferðir (verð kr. 400,- aðra leiðina) að Hótel Bjarkalundi en þar verður hlaðborð, brenna og ball (Jónsmessuhátíð).  Farið verður frá Reykhólaskóla kl. 19:30 og síðan á hálftíma fresti ef aðsókn er næg. Að lokum munu allir velta sér upp úr dögginni!

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is