Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. júní. 2006 09:49

Tap Skagamanna í Eyjum

Ferð Skagaliðsins til Vestmannaeyja í gær var ekki til fjár. Liðinu tókst ekki að fylgja eftir góðum leik undanfarið og leikur liðsins var ekki svipur hjá sjón. 2-1 tap var því staðreynd og er ekki hægt að segja annað en það hafi verið sanngjörn úrslit.

Skaginn byrjaði mun betur í leiknum og fyrstu mínúturnar gáfu þau fyrirheit að liðið ætlaði að berjast fram í fingurgómana. Ellert Jón var frískur og slapp oft upp hægri kantinn og Bjarni Guðjónsson stýrði spilinu vel.

 

Eftir því sem leið á fyrri hálfleikinn fór Skagaliðið að gefa eftir og Eyjamenn komust meira inn í leikinn. Skaginn hafði þó átt tvö góð færi og hefði Hjörtur vel getað komið liðinu yfir á 18. mínútu. Eftir það var eins og allur vindur væri úr liðinu og Eyjamenn börðust mun meira. Það var því ekki nema sanngjarnt þegar þeir komust yfir á 32. mínútu. Markið kveikti ekki neistann í Skagamönnum og ÍBV var mun betri aðilinn það sem eftir lifði fyrri hálfleiks. Tíu mínútum síðar átti Atli Jóhannsson góða syrpu upp vinstri kantinn, lék illa á varnarmann ÍA og skoraði með fallegu skoti, 2-0 fyrir Eyjamenn.

 

Ólafur Þórðarson gerði eina breytingu í háfleik, Hafþór Ægir kom inn á fyrir Pálma Haralds. Aukinn hraði kom í leik liðsins fyrir vikið en það skilaði hins vegar ekki miklu. Fljótlega voru gerðar tvær aðrar breytingar, Þórður Guðjóns kom inn á fyrir Hjört og Andri Júl. fyrir Arnar Gunnlaugsson. Þrátt fyrir að þetta frískaði aðeins upp á leik liðsins varð lítið um opin færi og einkenndist hann af baráttu á miðjunni og löngum sendingum. Litlu munaði að ÍBV kæmist 3-0 yfir þegar Bjarki og Heimir lentu í samstuði og Eyjamenn áttu skot á opið markið en rétt framhjá.

 

Skömmu síðar var ÍA  nálægt því að skora og á 88. mínútu var einum Eyjamanni vikið af velli með sitt annað gula spjald. Bjarni tók aukaspyrnuna, sendi glæsilega sendingu inn í teig og Árni Thors skallaði boltann í netið. Tveimur mínútum síðar hafði sagan næstum endurtekið sig, nú frá hægri og í þetta sinn var það Ellert sem skallaði en beint á markvörðinn. Þórður átti skot framhjá í blálokin en Eyjamenn stóðust pressuna og fóru með sigur af hólmi.

 

Það var slæmt að sjá hve leikur Skagaliðsins var andlaus og það vantaði baráttu fyrr en rétt í lokin. Leikur liðsins einkenndist af löngum sendingum upp kantana og stungusendingum inn fyrir vörn Eyjamanna. Þetta var allt of andlaust og tókst varnarmönnum ÍBV hæglega að stöðva Skagamenn. Það var helst Hafþór sem nýtti hraða sinn en út úr því kom allt of lítið. Fyrir leik var lagt upp með að spila sig í gegn og skjóta á markið en ekkert varð úr því. Þegar Skaginn spilar vel gerir hann það með glæsibrag og getur tekist á við öll lið. Inn á milli detta menn svo niður í háflkák, kýlingar fram völlinn og misheppnaðar sendingar. Reyndar hafa flestöll lið í deildinni sýnt sveiflukenndan leik, en staða Skagans býður ekki upp á annað en sigur. Næg geta býr í liðinu til þess og nú verður bara að virkja hana.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is