Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. júní. 2006 08:40

Spurningakeppni héraða á Hólmavík

Sauðfjársetur á Ströndum stendur fyrir stórskemmtilegri spurningakeppni milli fjögurra héraða fimmtudaginn 29. júní í Félagsheimilinu á Hólmavík. Keppnin hefst kl. 20:00 stundvíslega. Hún er sú fyrsta sinnar tegundar á Ströndum, en undanfarin ár hafa heimamenn keppt sín á milli við góðar undirtektir. Keppnin markar einnig upphaf bæjarhátíðarinnar Hamingjudaga á Hólmavík ásamt fleiri atburðum á fimmtudeginum. Dalamenn og Borgfirðingar keppa fyrir hönd Vestlendinga við Húnvetninga og Strandamenn.

 

 

Liðin sem taka þátt eru: Strandamenn sem ætla sér væntanlega stóra hluti á heimavelli, Dalabúar sem mæta með frækið lið vaskra manna, Húnvetningar renna með gáfurnar norður á Strandir og Borgfirðingar úr UMSB mæta með ungmennafélags- og baráttuanda í brjósti. Spyrill og höfundur spurninga er Arnar S. Jónsson frá Steinadal á Ströndum, en hann hefur getið sér gott orð fyrir slíkt hlutverk í fyrri keppnum á Ströndum. Arnar lofar léttri, skemmtilegri og áhorfendavænni keppni sem mun þó einnig reyna örlítið á þrautreynda huga keppendanna.

 

Dregið verður í viðureignir á staðnum og sigurlið keppninnar fær vegleg verðlaun. Líklegt er að tapliðin fái að taka eitthvað með sér heim líka. Aðgangseyrir að spurningakeppninni er aðeins kr. 1.500 fyrir sextán ára og yngri og er kaffi og kökudiskur þar innifalinn.

 

Spurningakeppni héraðanna verður haldin í Félagsheimilinu á Hólmavík fimmtudaginn 29. júní kl. 20:00. Aðgangseyrir er kr. 1.500 fyrir 16 ára og eldri, kaffi og kökudiskur innifalið í aðgangseyri.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is