Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júní. 2006 10:05

Staða sveitarstjóra í Reykhólahreppi auglýst laus

Nýkjörin sveitarstjórn Reykhólahrepps samþykkti á sínum fyrsta fundi að auglýsa lausa til umsóknar stöðu sveitarstjóra. Einar Örn Thorlacius hefur gegnt stöðunni frá 1. október 2002. Hann segir sinn ráðningarsamning hafa verið runninn út og því ekkert óeðlilegt í sjálfu sér að starfið sé auglýst. Hins vegar hafi þessi ákvörðun komið nokkuð á óvart í ljósi þess að engin athugasemd hafi verið gerð við störf hans þau ár sem hann hafi gegnt starfinu og rekstur sveitarfélagsins hafi tekið stakkaskiptum eins og sjá megi á ársreikningum sveitarfélagsins sem afgreiddir voru á sama fundi og ákveðið var að auglýsa stöðuna.

 

„Ég hef engar skýringar fengið á því hvers vegna sveitarstjórn ákveður að fara þessa leið og mér kæmi ekki á óvart að innan tíðar verði einn af hreppsnefndarmönnum kominn í starf sveitarstjóra,“ segir Einar Örn.

 

Ýmsir hafa skorað á Einar að sækja um starfið að nýju og hann segist þakklátur fyrir þær áskoranir. „Þessi ákvörðun sveitarstjórnar er ákveðið vantraust á mín störf og því efast ég um að ég sæki um að nýju þrátt fyrir að hér sé mjög gott að vera og mannlíf gott“.

 

Egill Sigurgeirsson, sem sæti á í sveitarstjórn, segir hreppsnefnd hafa komist að þessari niðurstöðu að vandlega athuguðu máli. „Það var ákveðinn vilji til breytinga og því var þessi ákvörðun tekin. Það var ekkert ákveðið atriði í störfum fráfarandi sveitarstjóra sem varð til þess að þessi ákvörðun var tekin,“ segir Egill en vildi að öðru leyti ekki tjá sig um málið. Hann segist hafa orðið var við áhuga fólks á stöðunni frá því að ákveðið var að auglýsa hana lausa. Á meðan á ráðningarferlinu stendur mun Einar Örn gegna stöðu sveitarstjóra áfram.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is