Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. júní. 2006 08:40

Sprunga hefur myndast í fjöregg okkar Skagamanna

-segir Vilhjálmur Birgisson, formaður VLFA um sumarlokanir HB Granda á Akranesi

 

Frystihús HB-Granda á Akranesi verður lokað næstu fimm vikurnar.  Svo löng sumarlokun hefur ekki átt sér stað áður í frystihúsi fyrirtækisins og t.d var ekkert lokað í fyrrasumar. Ljóst er að lokun af þessari stærðargráðu hefur mikil áhrif fyrir fjölmargt skólafólk sem haft hefur sumarvinnu við fiskvinnslu á Akranesi á liðnum sumrum.

 

“Samdráttur HB-Granda hér á Akranesi virðist ætla að halda áfram jafnt og þétt sé tekið mið af því sem verið hefur að gerast á liðnum misserum.  Nú er staðan þannig að stór hluti starfsmanna síldarbræðslunnar hefur látið af störfum vegna verulegs tekjusamdráttar.  Víkingur AK 100 liggur bundinn við bryggju og alls óvisst er um framtíð skipsins, allflestir skipverjar hafa horfið til annarra starfa.  Eins og flestir vita var skuttogaranum Haraldi Böðvarssyni lagt fyrir nokkrum árum og við það töpuðust einnig störf,” segir Vilhjálmur Birgisson, formaður VLFA meðal annars á heimasíðu félagsins.

 

Í pistli sínum segir Vilhjálmur ennfremur: “Allir æðstu stjórnendur HB-Granda hér á Akranesi hafa látið af störfum, annað hvort verið sagt upp eða þeir sagt starfi sínu lausu. Nægir þar að nefna menn eins og Harald Sturlaugsson, Sturlaug Sturlaugsson sem var ráðinn forstjóri HB-Granda við sameiningu og Guðmund Pál Jónsson sem gegndi starfi starfmannastjóra í áratugi hjá Haraldi Böðvarssyni.  Með öðrum orðum hafa allir æðstu stjórnendur Haraldar Böðvarssonar látið af störfum eftir að fyrirtækið sameinaðist Granda.  Staðan er því þannig núna að við Skagamenn eigum engan talsmann lengur hjá HB-Granda. Er það að mati formanns félagsins mjög slæmt,” segir Vilhjálmur.

 

Að lokum segir Vilhjálmur: “Við Skagamenn verðum að standa einarðir vörð um þau störf sem eftir eru, einfaldlega vegna þess að HB hefur verið fjöregg okkar Akurnesinga í marga áratugi.  Núna bendir allt til þess að sprunga hafi myndast í fjöregg okkar Skagamanna.”

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is