Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. júní. 2006 09:51

Stjórn ÍA skoðar málin næstu tvo daga

Formaður rekstarfélags meistarflokks ÍA í knattspyrnu segir næstu tvo daga verða notaða til þess að bregðast við þeirri stöðu sem upp er komin eftir fyrri umferð Íslandsmótsins. Hann segir það ekki kost í stöðunni að „fara niður með liðið“ eins og þjálfari þess orðaði í viðtölum við fjölmiðla eftir tapleikinn gegn Víkingi í gærkvöldi.

 

 

Í gærkvöldi lauk lið ÍA fyrri umferð úrvalsdeildarinnar í knattspyrnu með leik gegn Víkingi og fór leikurinn fram á Akranesi. Leiknum lauk með sigri Víkings sem skoraði fjögur mörk gegn einu marki ÍA. Lið ÍA er því sem fyrr neðst í úrvalsdeildinni og hefur aðeins sex stig að loknum níu leikjum og ljóst að talsverð breyting þarf að koma til eigi að bjarga liðinu frá falli í fyrstu deild. Þessi staða er talsvert önnur en búist var við af liðinu því talsverð bjartsýni var ríkjandi í vor og var liðinu af mörgum spáð einu af efstu sætum deildarinnar.

 

Í viðtölum við fjölmiðla eftir leikinn í gærkvöldi sagði þjálfari þess Ólafur Þórðarson að hann ætti ekki orð yfir hvað liðsmenn voru að gera inn á vellinum. „Við erum ekki að berjast sem liðsheild og það er eins og það vanti gleði og viljann til að ná lengra en við erum komnir“ sagði hann í viðtali við Fréttablaðið. Í viðtali við Sýn sagði hann að meðal kosta í stöðunni væri að kaupa leikmenn til liðsins eða breyta hugarfari leikmanna. Í viðtalinu við Fréttablaðið og Sýn sagði hann einnig að hann færi bara niður með liðinu ef þurfa þætti eins og hann orðaði það.

 

Eiríkur Guðmundsson formaður rekstrarfélags meistaraflokks ÍA segir stöðu liðsins langt undir þeim væntingum sem gerðar voru til liðsins í upphafi móts og við því verði að bregðast. Hann segir stjórn, leikmenn og þjálfara hafa haft góðan vinnufrið þrátt fyrir slakt gengi. Hann viðurkennir einnig að trúlega væru flest lið í úrvalsdeildinni búin að grípa til róttækra ráðstafana í stöðu sem þessari svo sem að skipta um þjálfara. Aðspurður hvort það sé möguleiki í stöðunni að fara með liðið niður eins og þjálfari þess nefndi segir hann það af og frá. „Það er fráleitt að líta á það sem kost í stöðunni og þetta hljóta að vera orð sem féllu í hita leiksins að óathuguðu máli“ segir Eiríkur. „Við munum á næstu dögum fara yfir stöðu mála og meta til hvaða ráða hægt er að grípa til þess að snúa þessari þróun við“.

 

Næsti leikur liðs ÍA er á sunnudaginn syðra gegn Fram í sextán liða úrslitum bikarkeppninnar. Aðspurður hversu langan tíma stjórnin ætli sér í stöðumatið segir Eiríkur að niðurstaða í því máli muni vonandi liggja fyrir á næstu tveimur dögum. Að öðru leyti vildi hann ekki tjá sig um málið.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is