Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. júní. 2006 12:35

Gengi vestlenskra kynbótahrossa á Landsmóti

Vestlensku stóðhestarnir bíða þess nú að yfirlitssýning stóðhesta hefjist á morgun á Landsmóti hestamanna sem nú stendur yfir á Vindheimamelum í Skagafirði. Staðan er sú eftir forsýningar að í flokki 7 vetra og eldri stóðhesta er Aðall frá Nýjabæ næst efstur með einkunnina 8,13 fyrir sköpulag, 8,97 fyrir hæfileika og er aðaleinkunn hans 8,64. Efstu hrossin í þessum elsta flokki stóðhesta eru mjög jöfn og greinilegt að þar verður mikil barátta fram á síðustu mínútu yfirlitssýningarinnar á föstudag.

 

Sólon frá Skáney er ekki lengur með á mótinu en hann mun hafa hellst og steig knapi hans Jakob Sigurðsson af baki og þakkaði fyrir sig í miðri sýningu 6 vetra stóðhesta.

Í flokki 5 vetra stóðhesta er Þeyr frá Akranesi næst hæstur eftir forsýningu með aðaleinkunina 8,55 en hann fékk 8,30 fyrir sköpulag og 8,72 fyrir hæfileika. Glymur frá Innri-Skeljabrekku sem var hæst dæmdi 4 vetra stóðhesturinn á Fjórðungsmóti á Kaldármelum á síðasta sumri fékk 7,98 fyrir sköpulag, 8,53 fyrir hæfileika og er aðaleinkunn hans því 8,34. Stormur frá Leirulæk fékk 8,04 fyrir sköpulag, 8,24 fyrir hæfileika og er hann með 8,16 í aðaleinkunn. Bjarmi frá Lundum II hlaut 8,16 í aðaleinkunn, 8,64 fyrir sköpulag og 7,84 fyrir hæfileika. Glúmur frá Stóra-Ási fékk 8,03 í aðaleinkunn, hann fékk 8,06 fyrir sköpulag og 8,01 fyrir hæfileika. Þá fékk Magni frá Vestri-Leirárgörðum 7,76 í aðaleinkunn, fyrir sköpulag fékk hann einkunina 8,22 og fyrir hæfileika 7,46.

 

4 vetra stóðhestarnir stóðu sig einnig vel í forsýningunni. Glotti frá Sveinatungu fékk 8,18 í aðaleinkunn, hann fékk 8,53 fyrir hæfileika og 7,67 fyrir sköpulag. Fránn frá Vestri-Leirárgörðum fékk 8,06 í aðaleinkunn, fyrir sköpulag fékk hann 7,94 og fyrir hæfileika 8,14. Auður frá Lundum II fékk 8,20 fyrir sköpulag, 7,68 fyrir hæfileika og í aðaleinkunn fékk hann 7,89. Heiðar frá Hvanneyri fékk 7,64 í aðaleinkunn, hann fékk 8,08 fyrir sköpulag og 7,35 fyrir hæfileika.

 

Eftir forsýningar á kynbótahryssum í öllum flokkum er staða vestlensku hryssanna þessi:

Í flokki 7 vetra og eldri hryssa hefur Elka frá Efri-Hrepp fengið 8,33 í aðaleinkunn eftir forsýningu, Flauta frá Stóra-Ási er með 8,31 í aðaleinkunn. Í 6 vetra flokki hryssa er Líf frá Syðstu-Fossum með aðaleinkunina 8,29, Eldborg frá Eyri er með 8,08 í aðaleinkunn, Harpa frá Borgarnesi er einnig með 8,08 í aðaleinkunn og Þruma frá Spágilsstöðum er með 8,06 í aðaleinkunn. Mikil keppni er á milli þessa þriggja vestlensku hryssa.

 

Í flokki 5 vetra hryssa  er Ópera frá Nýjabæ með 8,07 í aðaleinkunn, Fjöður frá Hofsstöðum er með 7,86 í aðaleinkunn og Dúkka frá Borgarnesi er með 7,69 í aðaleinkunn. Í 4 vetra flokki hryssa er Blæja frá Hesti með 8,08 í aðaleinkunn, Aradís frá Sigmundarstöðum með 8,02 í aðaleinkunn, Rakel einnig frá Sigmundarstöðum er með 7,97 í aðaleinkunn og Ósk frá Geirshlíð er með 7,77 í aðaleinkunn. Yfirlitssýningar kynbótahryssanna hófust í morgun og munu standa í allan dag.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is