Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. ágúst. 2006 02:53

SI krefjast afturköllunar samþykktar bæjarráðs Akraness

Eins og kom fram í síðasta tölublaði Skessuhorns samþykkti bæjarráð Akraneskaupstaðar að hafna öllum tilboðum sem bárust í gatnagerð Smiðjuvalla og semja við Þrótt ehf. um verkið. Skóflan hf. átti lægsta tilboðið í verkið og lýstu eigendur fyrirtækisins því yfir að þeir væru að íhuga viðbrögð sín við ákvörðun bæjaryfirvalda. Á fundi bæjarráðs í gær, þann 3. ágúst, var lagt fram bréf frá Samtökum iðnaðarins (SI) fyrir hönd eigenda Skóflunnar. Þar er þess krafist að samþykkt bæjarráðs um að ganga til samning við Þrótt verði afturkölluð. 

 

Í bréfinu kemur fram að SI telji að Akraneskaupstaður hafi brotið á Skóflunni í útboðinu og við val verktaka. Kemur fram að samtökin telja að tilboð Þróttar ehf. hafi verið ógilt þar sem ekki fylgdu öll tilskilin göng með því, en eins og fram kom í Skessuhorni vantaði lista yfir undirverktaka og tækjakost. Þá minna samtökin á að frávikstilboð séu einnig tilboð og því sé frávikstilboð Skóflunnar hf. sem var lægst, gilt tilboð og hefði átt að taka því.

 

Í útboðslýsingu áskildu bæjaryfivöld sér þann rétt að hafna öllum tilboðum og fella útboðið úr gildi. SI benda þó á að Akraneskaupstaður hafi ekki staðið rétt að málum þegar það var gert og nefna þrjú atriði máli sínu til stuðnings. Í fyrsta lagi sé tilboð Þróttar ehf. ógilt þar sem gögn vantaði við opnun tilboðanna. Í öðru lagi sé ekki búið að hafna tilboðum skriflega og með skýringum eins og gert er ráð fyrir í greinum 10.1 og 10.3 í ÍST 30:2003. Í þriðja lagi sé gildistími tilboðanna ekki liðinn og því ekki heimilt að hefja viðræður við aðra en þá sem skiluðu inn gildu tilboði, en Þróttur ehf. gerði það ekki að mati SI.

 

Í fyrri umfjöllun Skessuhorns kom það fram hjá Þorvaldi Vestmann sviðstjóra tækni- og umhvefissviðs að það hafi þjónað hagsmunum bæjarins að semja við Þrótt ehf. þar sem fyrirtækið átti lægsta tilboð í þann verkhluta sem snýr að Akranesbæ. Í bréfi SI kemur fram að ekki sé heimilt að velja eða semja við verktaka á þeim forsendum. Það sé heildartala tilboðs sem ræður, en ekki það hvernig einstakir þættir koma út.

 

Að lokum krefjast SI þess að samþykkt bæjarráðs um samninga við Þrótt ehf. verði afturkölluð og farið verði að lögum. Verði ekki teknir upp samningar við Skófluna hf. áskilji eigendur fyrirtækisins sér allan rétt að sækja eftir öllum tiltækum ráðum þann hagnað sem fyrirtækið hefði fengið af verkinu og verði af ef þeir missi af framkvæmdinni. Bæjarráð fól sviðsstjóra tækni- og umhverfissviðs að svara bréfinu. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is