Penninn hefur fest kaup á Bókabúð Andrésar á Akranesi. Fyrirtækin hafa verið í samstarfi um nokkra hríð, sem m.a. felst í því að bókabúðin hefur nýtt sér vörur og markaðsefni frá Pennanum. Fyrrum eigandi verslunarinnar, Steinunn Ólafsdóttir, flyst til Reykjavíkur og tekur við verslunarstjórastarfi hjá Pennanum í haust. Um leið tekur Jóhanna Elva Ragnarsdóttir við stjórnartaumunum þar sem hún hefur starfað hjá verslununni um árabil.  Engar róttækar breytingar eru fyrirhugaðar, en verslunin á Skaganum mun njóta góðs af aukinni samvinnu við verslanir Pennans um land allt. Sama vöruúrval verður á boðstólum og í verslunum Pennans á höfuðborgarsvæðinu og á sama verði og er ætlunin að auka þjónustustigið.