Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. september. 2006 08:51

Húsateikningar í Grundarfirði aðgengilegar á vefnum

Teikningar allra húsa í Grundarfirði eru nú aðgengilegar á heimasíðu bæjarfélagsins og innan skamms verða allir skipulagsuppdrættir settir á síðuna og einnig teikningaar af veitu- og fráveitulögnum og upplýsingar um gatnakerfi. Þetta kemur fram í frétt frá Grundarfjarðarbæ. Fyrir nokkrum misserum var ákveðið að hrinda í framkvæmd átaki við að koma öllum bygginganefnda- og verkfræðiteikningum af húsbyggingum í Grundarfjarðarbæ yfir á tölvutækt form og gera þær þannig aðgengilegar á heimasíðu bæjarfélagsins.

 

 

Verkefnið var upphaflega ákveðið í tengslum við „tæknibæjarverkefnið“ en í því verkefni fólust tillögur að því að bæta stjórnsýsluna og auðvelda almenningi aðgang að ýmsum upplýsingum. Í þessum tilgangi hefur starfsfólks bæjarskrifstofunnar unnið markvisst að því að bæta heimasíðu bæjarfélagsins með sífellt aðgengilegri upplýsingum.

 

Á heimasíðu bæjarfélagsins segir að í aðdraganda þessa teikningaátaks hafi verið samið við Snertil ehf. um sjálfa afritunina og um uppsetningu á kerfi til að halda utan um teikningarnar. Verkið er komið vel á veg og er þegar búið að koma öllum teikningum af íbúðarhúsnæði í bæjarfélaginu á tölvutækt form, einnig öllum sumarhúsateikningum og teikningum allra mannvirkja á bújörðum. Búið er að afrita hluta teikninga iðnaðarhúsnæðis en þeirri vinnu hefur ekki verið lokið að fullu ennþá. Þessar teikningar eru nú aðgengilegar öllum og geta íbúar skoðað og prentað sjálfir teikningar heima hjá sér. Hönnuðir geta einnig nýtt sér þennan aðgang í tengslum við sína vinnu.

 

Kerfið býður upp á fleiri möguleika heldur en að halda utan um teikningar. Í framhaldinu verða allir uppdrættir aðal- og deiliskipulags settir inn í kerfið, teikningar af vatnsveitu- hitaveitu- og fráveitulögnum og upplýsingar um gatnakerfi svo eitthvað sé nefnt. Kerfið býður einnig upp á íbúavef og rafrænar umsóknir auk upplýsinga um hina ýmsu þjónustu í bæjarfélaginu. Ofangreindir möguleikar eru ennþá í vinnslu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is