Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. september. 2006 11:35

Vestlendingar á Vestnorden

Vestnorden ferðakaupstefnan er að þessu sinni haldin hér á landi, nú í 21. skipti. Kaupstefna þessi er á vegum ferðamálayfirvalda á Íslandi, Grænlandi og í Færeyjum og verður sett í kvöld í Listasafni Reykjavíkur. Á morgun, þriðjudaginn 12. september hefst hin eiginlega kaupstefna í Laugardalshöllinni og stendur hún fram til hádegis á miðvikudag. Áætlað er að allt að 550 manns taki þátt í kaupstefnunni að þessu sinni. Munu um 300 ferðaþjónustuaðilar frá Íslandi, Grænlandi og Færeyjum, auk ferðamálayfirvalda á Hjaltlandseyjum, kynna vöru sína og þjónustu þar fyrir hátt í 200 kaupendum sem koma frá 30 löndum víðs vegar um heiminn. Hefur kaupendunum fjölgað um 40% frá síðustu kaupstefnu hér á landi árið 2004 enda ferðalög til Norður Atlantshafslandanna alltaf að verða vinsælli. Má t.d. nefna að meðal nýrra þátttakenda nú eru kaupendur frá Kína, Indlandi og Suður-Kóreu.

 

Frá Vesturlandi fara fulltrúar 25 ferðaþjónustufyrirtækja og kynna þjónustu í landshlutanum. Fyrirferðamest er þar kynning All Senses hópsins en að honum standa um 20 ferðaþjónustufyrirtæki á Vesturlandi á þreföldum bási á sýningunni. Einnig verða með sérstaka bása hótelin í Stykkishólmi og Borgarnesi, Hótel Búðir og Sæferðir.

“All Senses mun við þetta tækifæri kynna nýja heimasíðu, www.westiceland.is sem er kynningarsíða hópsins á ensku. Síðar í vetur verður hún einnig íslenskuð. Þá munum við kynna þrjú megin þemu, þ.e. gistingu, veitingasölu og afþreyingu á Vesturlandi. Einnig bendum við ferðakaupendum á möguleika í ferðatilhögun um landshlutann,” segir Þórdís Arthúrsdóttir, framkvæmdastjóri All Senses hópsins í samtali við Skessuhorn. Þórdís segir að auk Vestnorden kaupstefnunnar þá standi til á vegum All Senses hópsins að halda námskeið 9. og 10. október nk. þar sem gæðamál í ferðaþjónustu verða til umfjöllunar auk sölumála erlendis.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is