Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. september. 2006 10:15

Lóðir í landi Kross fara brátt á markað

Nú fer að líða að lokum gatna- og veituframkvæmda við fyrsta áfanga væntanlegs íbúðasvæðis í landi Kross í Hvalfjarðarsveit. Um er að ræða fyrri áfangann af tveimur þar sem fyrirhugað er að rísi samkvæmt skipulaginu byggð fyrir 800-1000 manns þegar svæðið verður fullbyggt. Það er fyrirtækið Stafna á milli ehf. sem á Kross og stendur fyrir framkvæmdum þar. Þorgeir Jósefsson, framkvæmdastjóri fyrirtækisins sagði í samtali við Skessuhorn að nú í mánuðinum verði götur malbikaðar og í framhaldi af því verði einbýlishúsalóðir á svæðinu auglýstar til sölu. “Í þessum áfanga eru 24 einbýlishúsalóðir, 42 íbúðir í tveggja hæða raðhúsum eða tveggja hæða sérhæðum og 3 lóðir eru auk þess fyrir 58 íbúðir í tveggja hæða fjölbýli.”

 

Þorgeir segir að opið verði fyrir þann möguleika að selja byggingaverktökum lóðir undir raðhús og fjölbýlishús á svæðinu en einstaklingum verður, eins og áður segir, gefinn kostur á að eignast einbýlishúsalóðirnar á svæðinu.

Drög að deiliskipulagi fyrir leikskóla hefur nú verið lagt til umfjöllunar hjá skipulags- og bygginganefnd Hvalfjarðarsveitar, en Þorgeir segir að í samkomulagi Stafna á milli við sveitarstjórn fyrrum Innri Akraneshrepps, um uppbyggingu á svæðinu, hafi verið gert ráð fyrir að fyrirtækið byggði leikskóla fyrir 60 börn á svæðinu og skilaði honum tilbúnum undir tréverk.

 

Þorgeir segir jafnframt að nú sé í gangi vinna við deiliskipulag seinni áfanga byggðar í landi Kross þar sem ráðgerðar eru 150-160 íbúðir í einbýlis- rað- eða fjölbýlishúsum. Í þeim áfanga sé stefnt að því að hafa mikið af litlum raðhúsum sem geti hentað fyrir fólk sem er að minnka við sig, t.d. eldri borgara.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is