Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. september. 2006 01:20

Fyrstu skóflustungurnar að nýjum leikskóla við Ugluklett

Framkvæmdir eru nú hafnar við byggingu nýs leikskóla við Ugluklett í Borgarnesi. Leikskólinn verður þriggja deilda skóli þar sem áætlað er að hægt verði að rúma 45 börn. Auk þess er í teikningum gert ráð fyrir því að hægt verði að stækka hann um eina deild síðar. Áætlar sveitarstjórn að framkvæmdum ljúki vorið 2007 og verði þá hægt að taka hann í notkun.

 

 

 

Það voru fulltrúar yngstu kynslóðarinnar, börn í leikskólum í Borgarnesi sem hjálpuðust að og tóku fyrstu skóflustungurnar að nýja leikskólanum við hátíðlega athöfn síðdegis sl. fimmtudag. Borgarverk ehf. mun síðan annast jarðvegsframkvæmdir og samið hefur verið við SG hús á Selfossi um að reisa og gera fokhelda sjálfa bygginguna. Aðrir verkþættir við hana voru nýlega boðnir út.

 

Páll S Brynjarsson, sveitarstjóri í Borgarbyggð sagði við þetta tækifæri að þörfin væri orðin brýn fyrir fleiri leikskólarými í bæjarfélaginu í hentugra húsnæði en nú væri til staðar. Leikskólinn við Ugluklett mun m.a. leysa af hólmi leikskóladeild við Mávaklett sem rekin hefur verið í óhentugu húsnæði og 20 barna leikskóla við Skallgrímsgötu sem opinn hefur verið frá því í janúar á þessu ári í bráðabirgðahúsnæði. Opnun þar leysti biðlistavandamál sem fram að þeim tíma hafði verið í Borgarnesi. “Þessi fyrirhugaða aukning í leikskólarýmum gefur okkur auk þess möguleika á að taka inn yngri börn en tveggja ára. Munum við m.a. þess vegna leggja áhersla á að hraða framkvæmdum eins og kostur er,” sagði Páll.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is