Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. september. 2006 04:30

Sparisjóður Mýrasýslu útnefndur frumkvöðull Vesturlands 2005

Í dag voru Frumkvöðlaverðlaun Vesturlands veitt á aðalfundi SSV í Grundarfirði. Þetta er í fyrsta skipti sem verðlaunin eru veitt en til stendur að þau verði árleg héðan í frá. Tilgangur verðlaunanna er að örva frumkvöðlastarf á Vesturlandi með því að veita þeim aðila/einstaklingi eða fyrirtæki sem talið er skara fram úr, viðurkenningu fyrir frumkvöðlaframtak á Vesturlandi á sviði atvinnumála. Það var Sparisjóður Mýrasýslu sem hlaut verðlaunin fyrir árið 2005.

 

 

Helga Halldórsdóttir formaður SSV kynnti verðlaunin og um leið rök verðlaunanefndarinnar, en í henni sátu Jón Gunnlaugsson, Ólína Kristjánsdóttir og Sveinbjörn Eyjólfsson úr stjórn SSV. Einnig kom Bernhard Bernhardsson frá Háskólanum á Bifröst að úrvinnslu. Tíu tilnefningar bárust en auk þess áskildi nefndin sér rétt til að taka til greina aðila sem ekki voru tilnefndir. Rök nefndarinnar voru m.a. þau að Sparisjóður Mýrasýslu hefði verið öflugur bakhjarl atvinnulífs og stutt dyggilega við nýsköpun þess á svæðinu. Auk þess hefði hann verið öflugt hreyfiafl í umbreytingum og nýrri hugsun í fyrirtækjum á Vesturlandi. Sparisjóðurinn hafi einnig verið frumkvöðull í breytingum á eignarhaldi Sparisjóða í landinu.

 

Gísli Kjartansson sparisjóðsstjóri tók við verðlaununum fyrir hönd Sparisjóðsins. Hann þakkaði vel fyrir og sagði alltaf gaman að fá viðurkenningu fyrir það sem vel er gert. Sparisjóðurinn hefði reynt af fremsta megni að styðja við atvinnurekstur í héraðinu og það hefði tekist vel að hans mati. Sparisjóðurinn hefði tekið mikinn þátt í umbreytingum hjá fyrirtækjum um leið og hann hefði fimmfaldast að stærð á sex árum. Fyrir nokkrum árum síðan hefðu nokkur vandræði verið í fyrirtækjarekstri á Vesturlandi, en Sparisjóðurinn hefði tekið allmyndarlega á þeim málum, stutt fyrirtæki og stokkað önnur upp. Í dag væri allt annað umhverfi í fyrirtækjarekstri, þó það væri ekki eingöngu Sparisjóðnum að þakka. Hann sagði gaman að vera vitni að þeirri bjartsýni sem ríkti hjá SSV og óskaði mönnum velfarnaðar í framtíðinni.

 

Sparisjóður Mýrasýslu var stofnaður árið 1913 og hóf starfsemi sína 1. október það ár. Á heimasíðu sjóðsins segir að tilgangurinn hafi verið og sé að halda sparifé héraðsbúa kyrru í héraðinu undir stjórn heimamanna og beita sameinuðu afli þess að þeim verkefnum sem þar eru brýnust hverju sinni. „Fram til þess urðu menn að ávaxta fé sitt utan héraðs og sækja lánsfé aftur bónarveg ef þeir vildu skipta við slíka stofnun en að öðru leyti gengu peningalán manna milli með þeim kjörum sem um samdist hverju sinni en aurarnir hafðir í handraða eða sokkbol undir kodda, þess á milli“ segir orðrétt á heimasíðunni.

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is